Bank Election: सांगली जिल्हा मध्यवर्ती सहकारी बँकेच्या निवडणुकीसाठी अंतिम मतदार यादी शुक्रवारी (ता. ११) प्रसिद्ध करण्यात आली. विकास सेवा संस्थांसह इतर शेती, दूध, पशुपैदास, कुक्कुटपालन, पाणीपुरवठा, कृषी पणन, खरेदी-विक्री संघ, नागरी बँका व पतसंस्था, तसेच औद्योगिक प्रक्रिया व औद्योगिक मजूर संस्थांसह एकूण २ हजार ४४५ मतदारांचा समावेश आहे. वाळवा तालुक्यात सर्वाधिक ५८४ मतदार आहेत..प्रारूप मतदार यादीतून अवसायनातील, नोंदणी रद्द झालेल्या, भागभांडवल अपूर्ण असलेल्या आणि बँकेच्या थकबाकीदार अशा सुमारे २०० संस्थांना वगळण्यात आले होते. प्रारूप यादीवर २७३ हरकती दाखल झाल्या होत्या. या हरकतींवर निवडणूक निर्णय अधिकारी तथा विभागीय सहनिबंधक कदम यांच्यासमोर सुनावणी घेण्यात आली. त्यानंतर हरकतींवर निर्णय देण्यात आला..Sangli DCC Bank : सांगली जिल्हा बँकेच्या प्रारूप मतदार यादीवर २७३ हरकती.अपूर्ण भागभांडवल असलेल्या काही संस्थांनी आवश्यक भागभांडवल पूर्ण केले, तर काही संस्थांनी थकबाकी भरली. त्यामुळे अंतिम मतदार यादीत प्रारूप यादीच्या तुलनेत ६८ मतदारांची वाढ झाली आहे. अंतिम मतदार यादी प्रसिद्ध झाल्याने येत्या पंधरा दिवसांत जिल्हा बँकेच्या निवडणूक प्रक्रियेला सुरुवात होण्याची शक्यता आहे..Ahilyanagar District Bank : अहिल्यानगर जिल्हा बँकेच्या निवडणुकीसाठी ३ हजारांवर मतदार.मतदारसंघनिहाय मतदारविकास सेवा संस्था : ७७८इतर शेती, दूध, पशुपैदास, कुक्कुटपालन व पाणीपुरवठा संस्था : ३४५कृषी पणन, शेतमाल प्रक्रिया, खरेदी-विक्री संघ व साखर कारखाने : ९४.नागरी बँका, पतसंस्था व नोकरांच्या सहकारी संस्था : ७६५ग्राहक, गृहनिर्माण, औद्योगिक प्रक्रिया, उत्पादन व औद्योगिक मजूर संस्था तसेच व्यक्तिगत मतदार : ४६३एकूण : २,४४५ मतदार.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
