Rural Market Success: सांगली जिल्ह्यात श्रीमंत विजयसिंहराव डफळे दुय्यम बाजार समिती कोरडवाहू पट्ट्यातील जत तालुक्यासह, सांगोला तालुका व कर्नाटक सीमेवरील शेतकऱ्यांसाठी आधारवड ठरली आहे. रब्बी मका व शाळू यांच्यासाठी या बाजारपेठेचा विशेष लौकिक तयार झाला आहे. समाधानकारक दर, पारदर्शक व्यवहार, त्वरित पेमेंट आदी सुविधांमुळे शेतकऱ्यांचीही विश्वासार्हता वाढीस लागली आहे. त्यामुळे आवक, व्यवहार, उलाढाल यांचीही वृद्धी झाली आहे. .सांगली जिल्ह्यातील जत हा विस्ताराने मोठा असलेला तालुका आहे. येथील कोरडवाहू शेतकऱ्यांसाठी शेतमाल विक्रीसाठी महत्त्वाच्या श्रीमंत विजयसिंहराव डफळे दुय्यम बाजार आवाराची १९६७ मध्ये स्थापना झाली. सांगली बाजार समिती अंतर्गत त्याचा समावेश आहे. शेतकऱ्यांच्या मालाला योग्य दर मिळवून देणारे महत्त्वाचे केंद्र म्हणून ही बाजारपेठ ओळखली जाऊ लागली..जत तालुक्यात पूर्वी भुईमुगाची लागवड मोठ्या प्रमाणात व्हायची. त्यामुळे ही बाजारपेठ भुईमुगासाठी प्रसिद्ध होती. भुईमुगाच्या जागी आता उडीद, खरीप ज्वारी, रब्बीतील ज्वारी (शाळू), मका आणि गहू ही पिके तालुक्याची नवी ओळख बनली आहे. कडधान्यांबरोबर भाजीपाला, डाळिंबे या बाजार समितीत येतात. मात्र मका, शाळू, गहू, उडीद यांच्यासाठी प्रामुख्याने जत तालुक्यातील शेतकरी या बाजार समितीचा आधार घेतात. तालुक्यात सर्वाधिक मालदांडी वाणाच्या शाळूचे उत्पादन होते. स्थानिक भाषेत गुंडी वाणालाही शेतकऱ्यांची पसंती असते..Agri Success Story: कुटुंबाने उभारली यशाची गुढी.बाजार समितीतील आवक, पाठवणीजत तालुक्यातील सर्व गावांमधून मका, शाळू यांची आवक बाजार समितीत मोठ्या प्रमाणात होते. या भागात शाळूचे एकरी १५ ते २० पोत्यांच्या दरम्यान उत्पादन हाती येते. प्रत्येक गावातील पाच-दहा शेतकरी एकत्र येऊन लहान टेंपोमध्ये मका, शाळूची पोती घेऊन बाजार समितीत दाखल होतात. एकत्रित माल आणल्याने वाहतुकीचा खर्च वाचतो. मालाचे नमुने प्रत्येक व्यापाऱ्याला दाखवून दरांसंबंधी चर्चा केली जाते. जास्त दर देऊ करणाऱ्या व्यापाऱ्याला विक्री होते..समाधानकारक दर, त्याचबरोबर वाहतूक खर्च व वेळेत बचत होत असल्याने कर्नाटक सीमेसह जत, सांगोला तालुक्यातील शेतकऱ्यांना ही बाजारपेठ जवळची ठरली आहे. येथील व्यापाऱ्यांनी खरेदी केलेला माल पुढे विविध जिल्ह्यांसह स्थानिक ग्राहकांपर्यंत वितरित होतो. पशुखाद्य निर्मितीसाठी मका विविध राज्यांतील व्यापाऱ्यांना पाठवण्यात येतो. व्यावसायिकांच्या मागणीनुसार बहुतांश वेळा ५० ते ६० किलोचे पोते या पद्धतीने पॅकिंग केले जाते. काही शेतकरी धान्य व मक्याचे धाट अशीही विक्री करतात. त्यातून दुहेरी आर्थिक उत्पन्न घेतात..जत दुय्यम बाजार समितीची वैशिष्ट्येबाजार समितीच्या आवारात व्यापाऱ्यांची संख्या १५बारा एकर परिसरात भरतो बाजार.शेतकऱ्यांसाठी निवासस्थान सुविधा.सौदे झाल्यानंतर त्वरित पेमेंट.डाळिंबासह भाजीपाल्याचेही सौदे.दररोज शाळूची सुमारे ४०० ते ५०० तर मक्याच्या १५०० ते २००० पोत्यांची आवक.विक्रीनंतर शेकड्याला ०.८५ पैसे याप्रमाणे सेसची आकारणी.खरेदी-विक्रीवर प्रशासनाचे लक्ष. त्यामुळे वाद-विवाद होत नाहीत.वार्षिक एकूण उलाढाल सुमारे २० कोटी..जत तालुक्यातील रब्बी मका क्षेत्र (हेक्टर)वर्ष खरीप रब्बी२०२३-२४ १३०३९ ७०३३२०२४-२५ १५३११ ८०३३२०२५-२६ २०३८२ १६०५३रब्बी ज्वारीचे क्षेत्र (हेक्टर)२०२३-२४ ५७९५८२०२४-२५ ६०१०५२०२५-२६ ५३३४७.FPC Success Story: महिला शेतकरी कंपनीची भरारी !.बाजार समितीतील रब्बी मका आवक व दर (क्विंटल)वर्ष क्विंटल दर वार्षिक उलाढाल रू.किमान कमाल सरासरी२०२३-२४ १०६५२ २०५० २३०० २२९७ २ कोटी ४४ लाख ५६ हजार२०२४-२५ २७५०० २२३० २३१० २२८० ६ कोटी २७ लाखरब्बी ज्वारी आवक व दर (क्विंटल)वर्ष क्विंटल दर उलाढालकिमान कमाल सरासरी२०२३-२४ १५२० २९०० ३२५० ३१७९ ४८ लाख ३३ हजार२०२४-२५ ३०५० ३४५० ३८०० ३५०० १ कोटी ९ लाख.यंदा पाऊस ऑक्टोबरपर्यंत होता. त्यामुळे मक्याची पेरणी लांबली. त्यानंतर बदलत्या वातावरणाचा काहीसा परिणाम पिकाला झाला. त्यामुळे उत्पादनही थोडे कमी झाले. मी जत येथील बाजार समितीत मक्याचे नमुने घेऊन येतो. जो व्यापारी सर्वाधिक दर देईल त्यालाच विक्री करतो.भीमण्णा पंडित माळी ९६७३०२१३१६, रामपूर, ता. जत.शाळू हे आमचे वडिलोपार्जित पीक आहे. कधी दुष्काळ, तर कधी परतीच्या पावसाने नुकसान होते. मात्र कोणत्याही परिस्थितीत पीक घेणे थांबवले नाही. घरी वर्षभर लागणारा शाळू ठेवून उर्वरित विक्री करतो. यंदाच्या हंगामात एकरातून २० कट्टे (प्रति कट्टा अंदाजे ७० किलो) उत्पादन मिळाले. पैकी १० पोत्यांची विक्री केली. गुंडी वाणाच्या शाळूला ३२०० प्रति क्विंटल दर मिळाला.बाबू भीमू बिरादार ८८८८३७६९०६, बिळूर, ता. जत.धान्ये व कडधान्यांच्या विक्रीसाठी जतची बाजार समिती आम्हा शेतकऱ्यांसाठी फायदेशीर ठरते आहे. व्यापाऱ्यांची संख्याही चांगली आहे. येथे आम्हाला समाधानकारक दर मिळतात.राजकुमार आजुर, बिळूर, ता. जत.यंदा तालुक्यात मक्याचे क्षेत्र वाढले आहे. त्यामुळे दरावर परिणाम झाला आहे. मात्र शाळूच्या दरात मागील वर्षीच्या तुलनेत वाढ झाली आहे. शेतकऱ्यांना आम्ही जागेवर पैसे देतो. पारदर्शक व्यवहारामुळे तालुक्यासह कर्नाटक सीमेवरील शेतकरी देखील मका, शाळू येथे विक्रीसाठी आणतात.रामण्णा बेळुंकी ९८२२२६४८४५, व्यापारी, जत बाजार समिती.इथल्या बाजार समितीत मक्याची आवक वाढली असून दररोज २ ते ३ हजार पोती आवक आहे. पशुखाद्य निर्मितीसाठी कारखानदारांकडून मागणी असून, इथेनॉलनिर्मितीसाठी मक्याचा वापर वाढू लागला आहे. त्यामुळे मागणीही वाढली आहे. शाळूची खरेदी जागेवर होत आहे. त्यामुळे बाजारात आवक कमी आहे. शाळूचे दर मागील वर्षीपेक्षा यंदा ५०० ते ८०० रुपये प्रति क्विंटलने वाढले आहेत. सद्यःस्थितीला दर स्थिर आहेत.संदीप अरबळी ९८८१६५८२६५ व्यापारी, जत.आमच्या बाजार समितीत येणाऱ्या प्रत्येक शेतकऱ्यांच्या मालाला चांगला दर देण्याचा प्रयत्न असतो. प्रत्येक व्यवहारावर बाजार समितीचे नियंत्रण असल्याने शेतकऱ्यांची अडवणूक होत नाही. शाळू, मका, गहू, उडीद, बाजरी आणि तूर यांसह कडधान्यांसाठी ही बाजारपेठ जतसह कर्नाटक व सांगोला तालुक्यातील शेतकऱ्यांसाठीही महत्त्वाची ठरली आहे.कमलाकर केंगार ९९६०९४९६४६, सहायक सचिव, श्रीमंत विजयसिंहराजे डफळे दुय्यम बाजार, जत.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
