Yavatmal News Updates: शेतकरी उत्पादक कंपन्या, स्वयंसाह्यता गट आणि अशासकीय संस्थांना शासकीय योजनांची थेट माहिती, बाजारपेठेच्या संधी आणि वित्तीय साह्याची जोड मिळावी यासाठी जिल्हा प्रशासनाने पुढाकार घेत ‘संवाद सेतू कार्यशाळे’चे आयोजन केले. जिल्हाधिकारी विकास मीना यांच्या अध्यक्षतेखाली पार पडलेल्या या कार्यशाळेला शेतकरी उत्पादक कंपनी प्रतिनिधींचा मोठा प्रतिसाद मिळाला..जिल्हाधिकारी कार्यालयातील बळीराजा चेतना सभागृहात आयोजित कार्यशाळेत जिल्ह्यातील सुमारे २७० एफपीओ, स्वयंसाह्यता गट आणि अशासकीय संस्थांच्या प्रतिनिधींनी सहभाग घेतला. कार्यशाळेचे आयोजन जिल्हा अधीक्षक कृषी अधिकारी तथा आत्माचे प्रकल्प संचालक मनोजकुमार ढगे आणि प्रकल्प उपसंचालक व्यंकट कुंतावर यांनी केले. कार्यक्रमात कृषी विभागाच्या विविध योजनांचे सादरीकरण मनोजकुमार ढगे यांनी केले. पशुसंवर्धन, मत्स्य व्यवसाय, रेशीम, कृषी पर्यटन, महाऊर्जा, नाबार्ड, जिल्हा अग्रणी बँक, कृषी विज्ञान केंद्र तसेच शेतीमाल खरेदी करणारी ‘रुपिया फिनोव्हेशन प्रा. लि.’ या संस्थांच्या प्रतिनिधींनी विविध योजनांची माहिती दिली. .FPO Success Story: विविध उपक्रमांमधून ‘सातबारा’ कंपनीची आश्वासक वाटचाल.शेतकरी गटांना वित्तीय साह्य, मूल्यवर्धन, बाजारपेठ उपलब्धता आणि उत्पन्नवाढीच्या संधींबाबत सविस्तर मार्गदर्शन करण्यात आले. जिल्हाधिकारी यांनी या वेळी शेतकऱ्यांनी पारंपरिक पिकांबरोबर कृषिपूरक व्यवसाय स्वीकारून पीक वैविधिकरणाला प्राधान्य द्यावे, असे आवाहन केले. शासनाच्या योजनांचा लाभ घेऊन उत्पन्नवाढ साध्य करावी, सामूहिक पातळीवर शेतकऱ्यांनी एकत्र येत शेत कुंपणासारखे उपक्रम राबवावेत. तसेच गोपीनाथ मुंडे शेतकरी अपघात सानुग्रह अनुदान योजना प्रत्येक शेतकऱ्यांपर्यंत पोहोचविण्यासाठी एफपीओ आणि स्वयंसाह्यता गटांनी पुढाकार घ्यावा, असेही त्यांनी सांगितले..Agriculture FPO: कवठेत कृषी प्रक्रिया, उपक्रमांची ‘समृद्धी’ .शेतकरी उत्पादक कंपन्या, स्वयंसाह्यता गट आणि अशासकीय संस्थांनी परस्पर समन्वय साधून कृषी क्षेत्रात नावीन्यपूर्ण उपक्रम राबविण्याची गरज असल्याचे मतही त्यांनी व्यक्त केले. भविष्यातही अशाच प्रकारच्या कार्यशाळांचे आयोजन करण्यात येणार असून, त्यातून शेतकरी गटांच्या आर्थिक सक्षमीकरणाला चालना मिळेल, असा विश्वास या वेळी व्यक्त करण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
