Farmers Compensation Demand: दुष्काळग्रस्त शेतकऱ्यांना हेक्टरी एक लाख रुपयांची मदत द्यावी, या प्रमुख मागणीसाठी वाशिम जिल्ह्यातील वनोजा- शेलूबाजार (ता. मंगरूळपीर) येथे ठाकरे शिवसेनेने समृद्धी महामार्गावर आज (दि. ३० ऑक्टोबर) रास्ता रोको आंदोलन केले. आमदार नितीन देशमुख यांच्या नेतृत्वाखाली हजारोच्या संख्येने शेतकरी आणि शिवसैनिक रस्त्यावर उतरले. .या आंदोलनाला पोलिसांनी परवानगी दिलेली नाही. पोलिसांनी बॅरिकेट्स लावून आंदोलकांना रोखण्याचा प्रयत्न केला. यामुळे पोलिस आणि आंदोलकांमध्ये झटापट झाली. पोलिसांनी आमदार नितीन देशमुख आणि काही आंदोलकांना ताब्यात घेतले. अकोला, वाशिम आणि बुलढाणा येथून समृद्धी महामार्गाकडे येणारी आंदोलकांची वाहने अडवण्यात आली आहेत. आंदोलनाच्या ठिकाणी मोठ्या संख्येने पोलीस बंदोबस्त तैनात करण्यात आला आहे..Sugarcane Price Protest: सांगली, कोल्हापुरात ऊस आंदोलनाचा भडका, ट्रॅक्टर पेटवले, साखरेचा ट्रकही अडवला.शेतकरी त्याच्या हक्कासाठी आला असून, पोलिसांनी त्याच्यावर बळाचा वापर करु नये. त्यांनी शेतकऱ्यांच्या भावना समजून घ्याव्यात. शेतकऱ्यांची वाहने रोखू नयेत. जी वाहने अडवून ठेवली आहेत ती सोडून द्याव्यात अन्यथा त्याचे परिणाम वेगळे होतील, असा इशारा नितीन देशमुख यांनी दिला..आम्हाला समृद्धी महामार्ग रोखायचा होता. कारण समृद्धीवरुन शेतकऱ्याचा शेतमाल जात नाही. त्याचे वाहनही जात नाही. पण पोलिसांनी बळाचा वापर केला आणि आंदोलन मोडीत काढण्याचा प्रयत्न केला. आज दहा हजारांहून शेतकरी आंदोलनात सहभागी झाले, असे त्यांनी सांगितले. विदर्भातून जाणारी रेल्वेही आम्ही बंद करू, असा इशाराही त्यांनी दिला..Farmer Relief: मदतीच्या अटी वगळल्या; ३३ टक्क्यांपेक्षा जास्त नुकसान झालेल्या शेतकऱ्यांना मिळणार सरसकट मदत.सरकारने शेतकऱ्यांसाठी जाहीर केलेली ५ हजार रुपयांची मदत तुटपुंजी आहे. शेतकऱ्यांना हेक्टरी एक लाख रुपयांची मदत द्यावी, अशी मागणी ठाकरेंच्या शिवसेनेकडून करण्यात आली. दुष्काळग्रस्त शेतकऱ्यांच्या मागण्यांसाठी वाशिम येथे समृद्धी महामार्गावर रास्ता रोको आंदोलन करण्यात आले. यावेळी शिवसेना उद्धव बाळासाहेब ठाकरे पक्षाचे आमदार नितीन देशमुख यांना पोलिसांनी अयोग्य पद्धतीने पोलिस व्हॅनमध्ये नेले. आपल्या देशात खरंच लोकशाही शिल्लक आहे का?, असा सवाल ठाकरेंच्या शिवसेनेने केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
