Bhandara News: भंडारा- गडचिरोली जिल्ह्यांना जोडणाऱ्या समृद्धी महामार्गाच्या प्रस्तावित विस्तारासाठी सुपीक शेतजमिनी संपादित करण्याच्या प्रक्रियेविरोधात शेतकरी आक्रमक झाले आहेत. या संदर्भात महसूल मंत्री चंद्रशेखर बावनकुळे यांच्या उपस्थितीत नागपूर येथे झालेली उच्चस्तरीय बैठक कोणताही ठोस निर्णय न घेता निष्फळ ठरल्याने शेतकऱ्यांमध्ये तीव्र नाराजी आहे..समृद्धी महामार्गाच्या विस्तारासाठी तालुक्यातील अनेक शेतकऱ्यांच्या जमिनी संपादित करण्याची प्रक्रिया सुरू असल्याची माहिती प्रशासनाकडून देण्यात आली आहे. मात्र जमीन अधिग्रहण करताना शासन शेतकऱ्यांना विश्वासात घेतले जात नसल्याचा आरोप शेतकऱ्यांनी केला आहे. त्यामुळे या प्रश्नावर शेतकरी संघर्ष समितीच्या वतीने सातत्याने आंदोलने आणि पाठपुरावा करण्यात येत आहे. .Samruddhi Highway : ‘समृद्धी’च्या कामामुळे स्थानिक शेतीचे नुकसान.दरम्यान शेतकऱ्यांच्या मागण्यांवर चर्चा करण्यासाठी महसूल मंत्री चंद्रशेखर बावनकुळे यांच्या उपस्थितीत नागपूर येथे उच्चस्तरीय बैठक झाली. या बैठकीला विभागीय आयुक्त विजयलक्ष्मी बिदरी, अपर महसूल अधिकारी राजेश खवले यांच्यासह संबंधित विभागाचे अधिकारी आणि शेतकरी प्रतिनिधी उपस्थित होते..Samruddhi Highway: समृद्धी महामार्गालगत ‘पणन’ उभारणार गोडाऊन.मात्र बैठकीत कोणताही ठोस निर्णय न झाल्याने शेतकरी नाराज झाले. जमीन गेल्यानंतर शेतकऱ्यांच्या कुटुंबाचा उदरनिर्वाह कसा चालणार, तसेच योग्य मोबदला आणि नोकरीची हमी देण्याबाबत शासनाने स्पष्ट भूमिका घ्यावी, अशी मागणी शेतकऱ्यांनी केली. यापूर्वी तहसील कार्यालय व जिल्हाधिकारी कार्यालयात अनेकदा निवेदने देऊनही प्रशासनाकडून ठोस निर्णय न झाल्याची खंत त्यांनी व्यक्त केली..ठोस निर्णयाची अपेक्षायाच विषयावर यापूर्वी २४ फेब्रुवारी रोजी जिल्हाधिकारी कार्यालयासमोर आंदोलन करण्यात आले होते. त्यानंतरही प्रश्न न सुटल्याने आता शेतकरी संघर्ष समितीने आंदोलन अधिक तीव्र करण्याचा इशारा दिला आहे. जमीन, रोजगार आणि योग्य भरपाईबाबत शासनाने ठोस निर्णय घेईपर्यंत संघर्ष सुरूच राहील, असा निर्धार पदाधिकाऱ्यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.