Pune News: शेतजमिनीचा ताबा व वहिवाटीबाबत शेतकऱ्यांतील आपापसांतील वाद मिटविण्यासाठी असलेल्या सलोखा योजनेला १ जानेवारी २०२६ पर्यंत मुदतवाढ देण्यात आली आहे, अशी माहिती सूत्रांनी दिली..नाममात्र एक हजार रुपये नोंदणी शुल्क आणि एक हजार रुपये मुद्रांक शुल्काच्या बदल्यात शेतकऱ्यांना आपल्या ताब्यातील शेतजमिनीची अदलाबदल करण्याची संधी या योजनेद्वारे उपलब्ध करून दिली आहे. त्यानुसार मागील अडीच वर्षांत राज्यात एकूण १ हजार ३०३ दस्त नोंदविले गेले..Salokha Scheme: सलोखा योजनेचा १११९ नागरिकांना मिळाला लाभ.या योजनेमुळे या दस्तांना एकूण मुद्रांक शुल्कात १० कोटी ७५ लाख रुपयांची, तर नोंदणी फीमध्ये १ कोटी ६५ हजार रुपयांची माफी देण्यात आली. सलोखा योजनेमुळे १ हजार ३०३ दस्तांना एकूण १२ कोटी ४० लाख रुपयांची माफी मिळाली आहे..एका शेतकऱ्याच्या नावावरील शेतजमिनीचा ताबा दुसऱ्या शेतकऱ्याकडे व दुसऱ्या शेतकऱ्याच्या नावावरील शेतजमिनीचा ताबा पहिल्या शेतकऱ्याकडे असणाऱ्या शेतजमीनधारकांच्या अदलाबदल दस्तांसाठी सवलत देणारी ही योजना राबविण्यात आली. शेतजमिनीचे वाद हे अत्यंत क्लिष्ट स्वरूपाचे व गुंतागुंतीचे असल्याने न्यायालयातील व प्रशासनातील पुरेशा यंत्रणेअभावी हे वाद वर्षानुवर्षे चालू आहेत..Salokha Yojana: सलोखा योजनेला राज्य सरकारने दिली दोन वर्षांची मुदत वाढ.शेतजमीन हा प्रत्येकाचा जिव्हाळ्याचा व संवेदनशील विषय असल्यामुळे त्यातील वादांमुळे कौटुंबिक नात्यांमध्ये दुरावा निर्माण झाला आहे. या वादांमुळे अनेक पिढ्यांचे नुकसान झाले असून, आजच्या पिढीचाही खर्च व वेळेचा अपव्यय होत आहे..या पार्श्वभूमीवर वाद संपून समाजामध्ये सलोखा निर्माण व्हावा व एकमेकांतील सौख्य, शांतता व सौहार्द वाढीस लागावे, यासाठी शासनाने सलोखा योजना जानेवारी २०२३ मध्ये आणली. आता राज्य शासनाने या योजनेस पुन्हा मुदतवाढ दिली आहे..सलोखा योजनेच्या अटीशेतजमिनीचा ताबा पहिल्या शेतकऱ्याकडे किमान १२ वर्षांपासून असला पाहिजेअकृषिक, रहिवासी, तसेच वाणिज्यिक वापराच्या जमिनींसाठी ही योजना नाहीदोन्ही पक्षकारांनी सर्वसंमतीने हा अदलाबदल दस्त नोंदवित आहे, अशी प्रकारची अट दस्तामध्ये समाविष्ट करणे आवश्यकवस्तुस्थितिदर्शक पंचनामा मंडल अधिकारी व तलाठी नोंदवून घेणार असून पंचनामा प्रमाणपत्र शेतकऱ्यांना दिले जाणार आहेपंचनामा प्रमाणपत्र अदलाबदल दस्तास जोडणे आवश्यक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
