Pune News: शेतजमिनीच्या ताबा व वहिवाटीवरून शेतकऱ्यांमध्ये निर्माण होणारे जुने वाद सौहार्दाने मिटविण्यासाठी शासनाने सुरू केलेल्या सलोखा योजनेस १ जानेवारी २०२७ पर्यंत मुदतवाढ देण्यात आली आहे. या योजनेअंतर्गत शेतकऱ्यांना नाममात्र शुल्कात आपल्या ताब्यातील शेतजमिनीची परस्पर संमतीने अदलाबदल करण्याची संधी उपलब्ध करून देण्यात आली आहे..या योजनेत केवळ एक हजार रुपये नोंदणी शुल्क व एक हजार रुपये मुद्रांक शुल्क भरून शेतजमिनीची अदलाबदल करता येणार आहे. शेतजमिनीचे वाद हे अत्यंत क्लिष्ट व गुंतागुंतीचे असल्याने न्यायालयीन व प्रशासकीय प्रक्रियेत ते अनेक वर्षे प्रलंबित राहतात. परिणामी, शेतकरी आणि त्यांच्या कुटुंबीयांना आर्थिक, मानसिक व सामाजिक त्रास सहन करावा लागतो..Salokha Scheme: सलोखा योजनेला मुदतवाढ.शेतजमीन हा संवेदनशील विषय असल्याने अशा वादांमुळे कौटुंबिक नातेसंबंधांमध्ये तणाव, दुरावा व असंतोष निर्माण झाला आहे. अनेक पिढ्यांचे नुकसान या वादांमुळे झाले असून, सध्याच्या पिढीचाही वेळ व खर्च वाया जात आहे..Salokha Yojana: सलोखा योजनेला राज्य सरकारने दिली दोन वर्षांची मुदत वाढ.या पार्श्वभूमीवर समाजामध्ये सलोखा, शांतता व सौहार्द निर्माण व्हावे, यासाठी शासनाने ही योजना राबविली आहे. सलोखा योजनेचा लाभ घेऊन शेतकऱ्यांनी वर्षानुवर्षे प्रलंबित असलेले शेतजमिनीचे वाद सौहार्दाने मिटवावेत, असे आवाहन महसूल प्रशासनाकडून करण्यात आले आहे..सलोखा योजनेच्या प्रमुख अटीशेतजमिनीचा ताबा पहिल्या शेतकऱ्याकडे किमान १२ वर्षांपासून असणे आवश्यकअकृषिक, रहिवासी व वाणिज्यिक वापराच्या जमिनींसाठी ही योजना लागू नाही.दोन्ही पक्षकारांची पूर्ण संमती असल्याचा उल्लेख अदलाबदल दस्तामध्ये करणे बंधनकारकवस्तुस्थितीदर्शक पंचनामा मंडल अधिकारी व तलाठी यांच्या मार्फत नोंदविला जाईल.पंचनामा प्रमाणपत्र शेतकऱ्यांना देण्यात येणारपंचनामा प्रमाणपत्र अदलाबदल दस्तास जोडणे आवश्यक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
