Workers Salary Issue: जलजीवन मिशन आणि स्वच्छ भारत मिशन अंतर्गत कार्यरत कंत्राटी कर्मचाऱ्यांचे मागील चार महिन्यांचे वेतन थकीत राहिल्याने राज्यभरात तीव्र नाराजीचे वातावरण निर्माण झाले आहे. आर्थिक अडचणीत सापडलेल्या या कर्मचाऱ्यांनी शासनाविरोधात आक्रमक भूमिका घेत २५ एप्रिलनंतर राज्यव्यापी तीव्र आंदोलनाचा इशारा दिला आहे..राज्यातील जिल्हा व तालुका स्तरावर कार्यरत असलेल्या या कर्मचाऱ्यांना डिसेंबर २०२५ ते मार्च २०२६ या कालावधीतील वेतन अद्याप मिळालेले नाही. काही कर्मचाऱ्यांचे फेब्रुवारी व मार्च महिन्यांचे वेतनही प्रलंबित आहे. वारंवार पाठपुरावा, निवेदने व आंदोलने करूनही प्रशासनाकडून दुर्लक्ष होत असल्याचा आरोप महाराष्ट्र राज्य पाणी व स्वच्छता शासकीय कंत्राटी कर्मचारी कृती समितीने केला आहे..MGNREGA Scheme: रोजगार हमी योजनेतील गोंधळ थांबविण्याची मागणी.पाणी व स्वच्छता यांसारख्या अत्यावश्यक सेवांमध्ये महत्त्वाची भूमिका बजावणार्या कर्मचार्यांना स्वतःच्या वेतनासाठी रस्त्यावर उतरावे लागत असल्याची खंत व्यक्त होत आहे. मागील २० ते २२ वर्षांपासून हे कर्मचारी कार्यरत असूनही त्यांच्या वेतनाचा प्रश्न कायम राहिल्याने नाराजी वाढली आहे. .Paddy Payment Delay: शेतकऱ्यांच्या नशिबी प्रतीक्षाच!.सध्या राज्यातील सर्व जिल्हा परिषद व पंचायत समिती स्तरावर कर्मचारी काळ्या फिती लावून कामकाज करत शासनाचे लक्ष वेधण्याचा प्रयत्न करत आहेत. संबंधित निवेदन पाणी पुरवठा विभागाचे प्रधान सचिव तसेच राज्यातील सर्व जिल्हा परिषदांच्या मुख्य कार्यकारी अधिकाऱ्यांकडे सादर करण्यात आले असून, आता शासन या गंभीर प्रश्नाकडे कितपत गांभीर्याने लक्ष देणार, याकडे सर्वांचे लक्ष लागले आहे..वेतन मिळाले नसल्यामुळे कर्मचाऱ्यांच्या कुटुंबांवर आर्थिक संकट कोसळले आहे. परिणामी उदरनिर्वाह करणे कठीण झाले आहे. त्यामुळे हा प्रश्न तातडीने मार्गी लावण्याची मागणी जोर धरत आहे. कृती समितीने स्पष्ट इशारा दिला आहे की, २५ एप्रिल २०२६ पर्यंत वेतनाबाबत निर्णय झाला नाही तरराज्यव्यापी तीव्र आंदोलन छेडण्यात येईल. तसेच २० एप्रिलपासून असहकार आंदोलन सुरू करण्यात येणार असल्याचे कळविले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
