Washim News : भारतीय कृषी संशोधन परिषद पुरस्कृत कृषी विज्ञान केंद्र (गृहविज्ञान विभाग) यांच्या मार्गदर्शनाखाली करडा येथील प्रगतशील शेतकरी सचिन लढाड यांच्या शेतावर ‘सोयाबीन सोंगणीवेळी हातमोज्यांचा वापर’ या विषयावर प्रात्यक्षिकाचे आयोजन करण्यात आले..या प्रात्यक्षिकाचा मुख्य उद्देश महिला शेतकऱ्यांना सोंगणी प्रक्रियेदरम्यान हातांचे संरक्षण, श्रम बचत आणि आरोग्य सुरक्षा या बाबत जागरूक करणे हा होता. प्रात्यक्षिकादरम्यान कृषी विज्ञान केंद्राच्या गृहविज्ञान तज्ज्ञ शुभांगी वाटाणे यांनी शेतकऱ्यांना शेतीतील सुरक्षिततेसाठी आवश्यक वैयक्तिक संरक्षण साधनांबद्दल सविस्तर माहिती दिली. .Soybean Harvesting : सोयाबीन काढणीला सुरुवात; मजुरीत वाढ.त्यांनी सांगितले की, सोयाबीन सोंगणीदरम्यान हातांना होणारे तडे, खरचटणे, अलर्जी आणि धुळीमुळे होणारे संसर्ग टाळण्यासाठी हातमोज्यांचा वापर अत्यंत उपयुक्त आहे. या वापरामुळे श्रमकंटकपणा कमी होतो आणि कार्यक्षमता वाढते. .Soybean Harvesting : पावसामुळे सोयाबीन कापणीत व्यत्यय.या प्रात्यक्षिकादरम्यान महिलांनी प्रत्यक्ष हातमोजे वापरून सोंगणी प्रक्रियेत सहभाग घेतला व त्याचे प्रत्यक्ष फायदे अनुभवले. या बाबत कृषी विज्ञान केंद्राचे प्रमुख व वरिष्ठ शास्त्रज्ञ डॉ. आर. एल. काळे म्हणाल्या, की अशा प्रकारची प्रात्यक्षिके शेतकऱ्यांमध्ये वैज्ञानिक, सुरक्षित आणि आधुनिक शेती तंत्रज्ञानाबाबत जागरूकता निर्माण करण्यासाठी अत्यंत आवश्यक आहेत..लहान पण महत्त्वपूर्ण अशा सुरक्षा उपायांमुळे शेतकऱ्यांचे आरोग्य, उत्पादकता आणि शाश्वत शेती दृष्टिकोन अधिक बळकट होतो. या उपक्रमाच्या यशस्वितेसाठी उमेद अभियान अंतर्गत कार्यरत कृषी सखी शारदा देशमुख यांनी पुढाकार घेतला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
