New York News : ‘‘भारताचे हितसंबंध आणि पंतप्रधान नरेंद्र मोदी यांच्या परराष्ट्र धोरणाचा रशिया पूर्ण आदर करतो,’’ असे प्रतिपादन रशियाचे परराष्ट्रमंत्री सर्गेई लावरोव्ह यांनी म्हटले आहे. अमेरिकेचे भारताशी किंवा इतर देशांसोबत असलेले द्विपक्षीय संबंध भारत-रशिया द्विपक्षीय संबंधांचा निकष असू शकत नाहीत, असेही ते म्हणाले..परराष्ट्रमंत्री एस. जयशंकर यांच्यासोबत चर्चेच्या काही वेळ पूर्वी संयुक्त राष्ट्रांच्या आमसभेच्या निमित्ताने बोलताना लावरोव्ह म्हणाले, ‘‘भारत आणि रशिया यांच्यात विशेष धोरणात्मक भागीदारी आहे. भारत आणि अमेरिका किंवा भारत आणि इतर कोणत्याही देशामध्ये निर्माण झालेल्या द्विपक्षीय संबंधातील काही वादाच्या परिस्थितीला भारत आणि रशिया यांच्यातील संबंधांचा निकष समजू शकत नाही.’’.रशियाकडून तेलखरेदी कमी करण्यासाठी अमेरिकेने विविध देशांवर दबाव आणल्यानंतरही भारताने रशियाच्या तेलाची आयात सुरूच ठेवल्यानंतर रशिया-भारत द्विपक्षीय संबंधांकडे आपण कसे पाहता, याबाबत विचारलेल्या प्रश्नावर लावरोव्ह बोलत होते. ते म्हणाले, ‘‘भारताच्या राष्ट्रीय हितांचा आम्हाला पूर्ण आदर आहे. .India-US Trade: कापड आणि कोळंबी उद्योगाला हादरे.भारताच्या परराष्ट्र धोरणाचाही आम्ही आदर करतो.’’ चीनमधील शांघाय सहकार्य संघटनेच्या शिखर परिषदेत पंतप्रधान मोदी आणि अध्यक्ष व्लादीमिर पुतीन यांच्या भेटीचा संदर्भही त्यांनी यावेळी दिला. पुतीन येत्या डिसेंबरमध्ये भारत दौऱ्यावर येण्याची शक्यता असल्याचेही त्यांनी स्पष्ट केले..‘‘व्यापार, लष्करी, तांत्रिक सहकार्य, अर्थ, आरोग्य सेवा, उच्च तंत्रज्ञान, कृत्रिम बुद्धिमत्ता, ब्रिक्स देशांतील परस्पर सहकार्य अशा व्यापक संबंधांवर भारत-रशिया संबंध अवलंबून आहेत,’’ असेही रशियाच्या परराष्ट्रमंत्र्यांनी स्पष्ट केले..US India Trade: अमेरिकेचा मका खरेदी करा, अन्यथा बाजारपेठ गमवाल.लावरोव्ह यांनी परराष्ट्रमंत्री एस. जयशंकर यांची भेट घेतली. लावरोव्ह यांनी जयशंकर यांच्यासोबत विविध मुद्द्यांवर चर्चा केली. ‘‘आपल्या व्यापार संबंधांचे काय होणार, रशिया-भारत तेलाचा व्यापार सुरू राहणार का हेदेखील मी विचारले नाही. ते याबाबत निर्णय घेण्यास पूर्णपणे सक्षम आहेत,’’ असेही ते म्हणाले..‘इतरांनी दोघांमध्ये येऊ नये’तेल आयातीबाबतच्या जयशंकर यांच्या वक्तव्याचा संदर्भ देताना लावरोव्ह म्हणाले, ‘‘जर अमेरिकेला आमच्याकडून काही गोष्टी खरेदी करायच्या असतील, तर त्यावर चर्चा करण्यास आम्ही तयार आहोत..मात्र, आम्ही इतर देशांकडून काय खरेदी करतो, आमची भूमिका काय आहे, याबाबत इतर देशांनी दोघांमध्ये पडण्याची गरज नाही. भारत-अमेरिका द्विपक्षीय संबंध या मुद्द्यांवर विकसित होणे हेदेखील योग्य नाही. अमेरिका आणि भारत यांच्यातील द्विपक्षीय व्यापार अधिक वाढविण्यासाठी अमेरिकेच्या ज्या अटी असतील, त्या अटींवर चर्चा करण्यास आम्ही तयार आहोत.’’.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
