Nashik News: ‘‘केवळ स्पर्धेपुरते मर्यादित न राहता कायमस्वरूपी गावाच्या सर्वांगीण विकासासाठी एकत्र येणे गरजेचे आहे. स्वच्छता, शिक्षण, आरोग्य, महिला सक्षमीकरण, पर्यावरण संरक्षण आणि रोजगारनिर्मिती या सर्व क्षेत्रांत ग्रामस्थांनी पुढाकार घेतला तर गावांचा कायापालट निश्चितच होऊ शकतो. गावाचा विकास ही निरंतर प्रक्रिया असून प्रत्येकाने ग्रामविकासात सहभाग घ्यावा,’’ असे आवाहन अभिनेत्री सोनाली कुलकर्णी यांनी केले..मुख्यमंत्री समृद्ध पंचायतराज अभियानांतर्गत ग्रामविकासाला चालना देण्यासाठी कुलकर्णी यांनी सोमवारी (ता.१९) जिल्ह्यातील विविध ग्रामपंचायतींना भेटी दिल्या. या दौऱ्यात नाशिक तालुक्यातील दुगाव, दिंडोरी तालुक्यातील जानोरी व निफाड तालुक्यातील उंबरखेड येथे सुरू असलेल्या विकासात्मक कामांची पाहणी करत गावकऱ्यांशी संवाद साधला..Rural Development: ग्रामस्थांच्या पुढाकारातून रस्ता अतिक्रमणमुक्त.ग्रामपंचायत दुगाव येथे कार्यक्रमास सुरुवात झाली. त्यानंतर जानोरी व उंबरखेड येथे कार्यक्रम पार पडला. या सर्व ठिकाणी मुख्यमंत्री समृद्ध पंचायतराज अभियानांतर्गत राबविण्यात येणाऱ्या विविध उपक्रमांना ग्रामस्थांचा उत्स्फूर्त प्रतिसाद लाभला..Rural Development: सर्वार्थाने आदर्श गाव निर्मितीचा संकल्प करूया : कुलगुरू डॉ. गडाख .यावेळी मुख्य कार्यकारी अधिकारी ओमकार पवार, उपमुख्य कार्यकारी अधिकारी ग्रामपंचायत डॉ. वर्षा फडोळ, नाशिक पंचायत समिती गट विकास अधिकारी डॉ. सोनिया नाकाडे, दिंडोरी पंचायत समितीचे गट विकास अधिकारी भास्कर रेंगडे, निफाड पंचायत समितीच्या गट विकास अधिकारी नम्रता जगताप यांच्यासह ग्रामस्थ मोठ्या संख्येने उपस्थित होते..मुख्यमंत्री समृद्ध पंचायतराज अभियानामुळे ग्रामपंचायतींच्या स्तरावर लोकसहभाग मोठ्या प्रमाणात वाढत असून ग्रामस्वराज्याची संकल्पना अधिक बळकट होत असल्याचे या दौऱ्यातून स्पष्ट झाले. ग्रामस्थांनी स्वयंस्फूर्तीने स्वच्छता मोहिमा, कचरा व्यवस्थापन,पाणी संवर्धन, डिजिटल सेवा, शिक्षणविषयक उपक्रम तसेच सामाजिक सलोखा वृद्धिंगत करणारी कामे हाती घेतली आहेत. जिल्हा परिषदेचे मुख्य कार्यकारी अधिकारी ओंकार पवार यांनीही ग्रामपंचायत उंबरखेड येथे भेट देऊन ग्रामस्थांशी संवाद साधला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
