सीतारामन म्हणाल्या, ग्रामीण बँकांनी शेती कर्ज वितरणात वाढ करावीवाढत्या खपामुळे ग्रामीण भागात नवीन संधी निर्माण झाल्या आहेत यातून बँकांना अधिक कर्जपुरवठ्याच्या संधी.Agricultural Credit: नव्या ग्रामीण भारताची वाढती मागणी लक्षात घेता ग्रामीण बँकांनी शेती कर्ज वितरणात वाढ करावी, असे निर्देश केंद्रीय अर्थमंत्री निर्मला सीतारामन यांनी दिले आहेत. कर्नाटक ग्रामीण बँकेच्या (KaGB) व्यवसाय कामगिरीचा आढावा कार्यक्रमात त्या बोलत होत्या. .याबाबत जारी केलेल्या एका निवेदनानुसार, नुकतीच झालेली ही बैठक सीतारामन यांच्या अध्यक्षतेखाली झाली. बँकेच्या आढावा बैठकीत, सीतारामन यांनी कर्ज वाढ, एनपीए (नॉन-परफॉर्मिंग अॅसेट्स), आर्थिक समावेशन आणि सरकार पुरस्कृत योजनांची अंमलबजावणी यासह प्रमुख निर्देशांकांचे मूल्यांकन केले..Kisan Credit Card : किसान क्रेडिट कार्डसाठी ४५० कोटी रुपयांचे उद्दिष्ट.अर्थव्यवस्थेच्या उदयोन्मुख क्षेत्रांवर विशेष लक्ष केंद्रित करायला हवे, असे सांगत त्यांनी प्राथमिक स्तरावरील शेती कर्ज वितरणात त्यांची हिस्सेदारी वाढविण्याचे निर्देश दिले. जीएसटी दरांच्या सुसूत्रीकरणाचा संदर्भ देत, त्या म्हणाल्या की ग्रामीण भागात खप वाढला आहे. या वाढत्या खपामुळे ग्रामीण भागात नवीन संधी निर्माण झाल्या आहेत. यातून बँकांना अधिक कर्जपुरवठ्याच्या संधी असल्याचे संकेत मिळतात..अनेक कंपन्या त्यांच्या डेटा सेंटर्ससारख्या सेवा टियर-२ आणि टियर-३ शहरांमध्ये नेत आहेत, याकडेही त्यांनी लक्ष वेधले. या पार्श्वभूमीवर ग्रामीण बँकांनी त्यांचे आर्थिक स्थिती मजबूत करण्यासाठी अशा उदयोन्मुख क्षेत्रांवर लक्ष करण्याची गरज असल्याचे म्हटले. .Agriculture Credit : मुंबई कृषी कर्जात आघाडीवर कशी?.शेतकरी उत्पादक कंपन्यांना (एफपीओ) लागणाऱ्या भांडवलाच्या गरजेबाबत बोलताना सीतारामन म्हणाल्या, "त्यांच्या भांडवलाची गरज विकास वित्तीय संस्था आणि सरकारी विभागांकडून पूर्ण केली जाते. पण त्यांच्या खेळत्या भांडवलाची गरज बँकांनी पूर्ण केली पाहिजे.".ग्रामीण बँकांनी शेतकरी उत्पादक कंपन्यांच्या सोयीनुसार आणि मागणीच्या अनुषंगाने उत्पादने आणि सेवेत सुधारणा करायला हवी, जेणेकरून बँका आणि एफपीओंना परस्पर फायद्यासाठी आणि शाश्वत ग्रामीण विकासासाठी संसाधनांचा वापर करण्यास मदत मिळेल, यावर त्यांनी भर दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
