Government Onion Stock Storage Failure: नाफेड आणि एनसीसीएफच्या माध्यमातून झालेल्या कांदा खरेदीतील कथित अनियमिततेनंतर आता सरकारी साठ्यातील कांद्याची गुणवत्ता आणि साठवणुकीवर प्रश्न उपस्थित झाले आहेत. काही केंद्रांमध्ये खरेदीनंतर काही दिवसांतच कांदा सडल्याचे, तसेच गोदामांतून काळे पाणी वाहत असल्याचे आढळले आहे. हा कांदा बाजारात पाठविण्यापूर्वी कांद्याची गुणवत्ता आणि सुरक्षितता तपासणी करण्याची मागणी होत आहे..किंमत स्थिरीकरण निधीअंतर्गत दोन लाख टन कांदा खरेदीचे उद्दिष्ट असताना सुमारे १.२० लाख टन खरेदी झाल्याचे सांगितले जाते. मात्र, यामध्ये ‘ए ग्रेड’ आणि ‘यूआरएस’ श्रेणीतील कांद्याचे प्रमाण किती, याचा स्पष्ट तपशील अद्याप समोर आलेला नाही..Onion Farmer Protest: कांदा उत्पादक करणार जंतर-मंतरवर आंदोलन.याच मुद्द्यावर खासदार भास्कर भगरे यांनी नाशिकमध्ये निकृष्ट कांद्याची मोठ्या प्रमाणावर खरेदी झाल्याचा आरोप करत केंद्रीय ग्राहक व्यवहार विभागाच्या सचिव निधी खरे यांची भेट घेतली होती. मात्र केंद्रीय यंत्रणांनी दुर्लक्ष केल्याचा आरोप आहे. पाहणीत केंद्रीय वखार महामंडळाच्या माध्यमातून साठवलेल्या सायखेडा, चांदवड, विंचूर एमआयडीसीसह काही साठवणूक केंद्रांमध्ये सडलेला कांदा आढळून आला आहे..केंद्राच्या ग्राहक व्यवहार विभागातील अधिकारी तसेच नाफेड-एनसीसीएफच्या दक्षता पथकांनी काही ठिकाणी पाहणी केल्याचे सांगितले जाते. मात्र किती कांदा तपासला, किती निकृष्ट ठरला, किती कांदा नष्ट करण्याचे आदेश दिले आणि किती बाजारात पाठविण्यास पात्र ठरला, याचे अहवाल सार्वजनिक झालेले नाहीत..Onion Buffer Stock: बफर स्टॉकचा कांदा बाजारात; निकृष्ट खरेदी दडपण्याचा डाव.दर नियंत्रणासाठी शेतकरी-ग्राहकांचा बळी?कांद्याचे दर वाढल्यानंतर बफर स्टॉक बाजारात आणला जात आहे. मात्र, दर नियंत्रणाच्या घाईत गुणवत्ता तपासणीकडे दुर्लक्ष झाले, तर सरकारी खरेदीचा फटका शेतकरी आणि ग्राहक या दोघांनाही बसू शकतो. अशातच घाईघाईने केंद्र सरकारकडून दर नियंत्रणासाठी नाशिकच्या बफर स्टॉकमधील कांदा रेल्वेच्या विशेष ‘कांदा एक्स्प्रेस’द्वारे दिल्ली, गुवाहाटी, चेन्नई, मथुरा आणि एरनाकुलम अशा मोठ्या शहरांमध्ये पाठविण्याची प्रक्रिया सुरू आहे..निकृष्ट कांदा खरेदी करून शेतकरी आणि ग्राहकांच्या आरोग्याशी खेळ करणाऱ्यांवर कठोर कारवाई करावी. निकृष्ट कांद्याची वैज्ञानिक तपासणी करून तो मानवी वापरास अयोग्य आढळल्यास तातडीने नष्ट करावा. संपूर्ण प्रकरणाचे स्वतंत्र फॉरेन्सिक ऑडिट करावे.भास्कर भगरे, खासदार, दिंडोरी लोकसभा मतदारसंघ.कांद्यावर काळी बुरशी म्हणजे ॲस्परजिलस नायजरसह बुरशीजन्य संसर्गाचा धोका मानवाला होऊ शकतो. त्यामुळे सडलेला कांदा मानवी उपभोगासाठी सुरक्षित आहे की नाही, याची प्रयोगशाळा तपासणी होणे अत्यावश्यक आहे. मानवी आरोग्याशी संबंधित बाबीत ‘सरकारी साठा आहे म्हणून सुरक्षित’ असा समज चालणार नाही.डॉ. सतीश भोंडे, ज्येष्ठ कांदा शास्त्रज्ञ व माजी अतिरिक्त संचालक, एनएचआरडीएफ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
