Jalgaon News: खानदेशात सिंचन प्रकल्पांमधील जलसाठा अस्थिर असून, पाऊस नसल्याने पाण्याची आवकही धरणांत अल्प आहे. अनेक प्रकल्पांतील विसर्गही बंद किंवा कमी करण्यात आला आहे. अनेक नद्या, नाले यंदा कोरड्या आहेत. सातपुडा पर्वत भागातही दुष्काळी स्थिती असून, नाल्यांना यंदा पूर आलेला नाही. यामुळे पुढे भीषण टंचाई तयार होईल, असे दिसत आहे. .खानदेशात यंदा पाऊसमान जून, जुलैत कमी होते. सरासरीपेक्षा कमी पाऊस अनेक तालुक्यांत या महिन्यांत झाला. धरणांतील जलसाठा अल्प आहे. या महिन्याच्या सुरुवातीलाही पाऊस नव्हता. अनेक प्रकल्प कोरडे आहेत..Rain Alert Maharashtra : विदर्भ, मराठवाड्यात विजांसह पावसाची शक्यता.मागील अनेक दिवसांपासून पाऊस नाही. उकाडा व उष्णता अशी स्थिती खानदेशात आहे. मुरमाड, हलक्या जमिनीत वाफसा नाहीसा झाला आहे. गारवादेखील नाही. यामुळे मुरमाड जमिनीत पिके माना टाकत आहेत. अशात लघू व मध्यम प्रकल्पांतील जलसाठा अल्प आहे. यंदा नद्यांमधील पाण्याचा प्रवाह दिसेनासा आहे..Drought Management: कमी किंवा जास्त पावसात पीक व्यवस्थापनाच्या ४ सोप्या पध्दती!.खानदेशात नंदुरबारमधील सुसरी, गोमाई, उदय आदी नद्यांत प्रवाही पाणी नाही. धुळ्यातील अनेर, बुराई, पांझरा या नद्यांतही प्रवाह नाही. जळगाव जिल्ह्यात रावेरातील सुकी, भोकरी नदीमधील प्रवाहदेखील यंदा दिसलेला नाही. गिरणा नदीतही पाणी नाही. तापी नदीमधील प्रवाहवाहदेखील कमी झाला आहे. गिरणा पट्ट्यातही पाऊस नाही. यावलमधील मोर, चोपड्यातील गूळ नदीतही पाण्याचा प्रवाह नसल्याने शेतकरी चिंतेत आहेत. .तापी नदीतही प्रवाह कमीतापी नदीवर खानदेशात जळगाव जिल्ह्यात भुसावळनजीक हतनूर धरण आहे. हा एकमेव मोठा प्रकल्प तापीवर आहे. या प्रकल्पातील आवकही घटली आहे. यामुळे तापी नदीत पाण्याचा विसर्ग कमी झाला आहे. तापी नदीला यंदा मोठा पूर आलेला नाही. .प्रकल्प भरण्याची प्रतीक्षाखानदेशात अनेक महत्त्वाचे सिंचन प्रकल्प भरलेले नाहीत. यामुळे हे प्रकल्प भरण्यासाठी जोरदार पावसाची गरज आहे. त्यात गिरणा, अंजनी, तोंडापूर, अभोडा, सुकी, भोकरबारी, बोरी, हिवरा, बहुळा, अग्नावती, वाघूर, धुळ्यातील सोनवद, बुराई, अमरावती, नंदुरबारमधील दरा, चिरडे, सुसरी आदी प्रकल्पांचा समावेश आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
