Kharif Season: खरीप हंगामातील पेरणीनंतर पावसाने अचानक दडी मारल्याने रिसोड तालुक्यासह परिसरातील शेतकऱ्यांची चिंता वाढली आहे. काही ठिकाणी दुबार पेरणीचे संकट ओढवणार आहे. सुरुवातीला झालेल्या समाधानकारक पावसामुळे अनेक शेतकऱ्यांनी सोयाबीन, कापूस, तूर, मूग, उडीद व ज्वारीची पेरणी केली आहे. मात्र त्यानंतर पावसाने उघडीप दिल्याने पिकांची उगवण धोक्यात आली असून काही भागात दुबार पेरणीचे संकट निर्माण होण्याची शक्यता निर्माण झाली आहे..तीन ते चार दिवसांपासून तापमानासह उष्णतेत वाढ झाली आहे. त्यामुळे सततच्या उन्हामुळे जमिनीतील ओलावा झपाट्याने कमी होत आहे. परिणामी नुकतीच उगवलेली कोवळी पिके करपू लागल्याचे चित्र अनेक शेतांमध्ये दिसून येत आहे. तर पावसाचा खंड आणखी काही दिवस कायम राहिल्यास दुबार पेरणीशिवाय पर्याय उरणार नसल्याची भीती शेतकरी व्यक्त करत आहेत. .Kharif Sowing: गतवर्षी जादा पाऊस, यंदा कमालीची ओढ.दुबार पेरणी करावी लागल्यास बियाणे, खते, मशागत आणि मजुरीवर अतिरिक्त खर्च होणार असून त्याचा आर्थिक फटका शेतकऱ्यांना बसणार आहे. त्यामुळे शेतकऱ्यांच्या चिंतेत वाढ झाली आहे. मागील वर्षी अतिवृष्टीमुळे खरीप पिकांची मोठ्या प्रमाणात नुकसान झाले होते. इंधनाच्या किमती वाढल्यामुळे शेती मशागतीचा खर्च दीडपटीने वाढला आहे..Kharif Sowing Delay: अकोला जिल्ह्यात पावसाअभावी पेरण्या रखडल्या.यंदा शेतीसाठी आधीच मोठा खर्च झालेला असताना पावसाच्या अनिश्चिततेमुळे शेतकरी चिंतेत आहेत. हवामानात लवकर बदल होऊन सर्वदूर चांगला पाऊस पडावा, अशी अपेक्षा शेतकरी व्यक्त करत आहेत. दरम्यान, कृषी विभागाने शेतकऱ्यांनी पिकांची नियमित पाहणी करावी, उपलब्ध ओलावा जपण्यासाठी आवश्यक उपाययोजना कराव्यात. तसेच हवामान विभागाच्या अंदाजावर लक्ष ठेवून पुढील निर्णय घ्यावेत, शेतात ओलावा टिकून राहावा म्हणून पिकांची कोळपणी करावी, असे आवाहन केले आहे..बाजारपेठेतही शुकशुकाटएकीकडे पावसाच्या प्रतीक्षेत शेतकरी आकाशाकडे डोळे लावून बसले आहेत, तर दुसरीकडे वेळेत पाऊस न झाल्यास खरीप हंगामावर त्याचा विपरीत परिणाम होण्याची शक्यता वर्तविली जात आहे. त्यामुळे येत्या काही दिवसांतील पावसाची परिस्थिती शेतकऱ्यांसाठी अत्यंत महत्त्वाची ठरणार आहे. पावसाने उघडीप दिल्याचा परिणाम बाजारपेठेवर ही झाला असून बाजारपेठेतही शुकशुकाट निर्माण झाला आहे. कृषी केंद्रावरील गर्दी ही ओसरली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
