Water Scarcity : अमरावती पावसातील दीर्घ खंड, असंतुलित पर्जन्यमान आणि वाढत्या तापमानामुळे जिल्ह्यातील जलसाठा आणि भूजलपातळीत घट होऊ लागली आहे. यातून वरुड, दर्यापूर आणि चांदूरबाजार हे तीन तालुके अतिशोषित, तर मोर्शी आणि अचलपूर हे दोन तालुके चिंताजनक श्रेणीत आले आहेत. त्यामुळे उपलब्ध पाण्याचा काटकसरीने वापर करण्याची गरज निर्माण झाली आहे..भूजल पातळीच्या सुरक्षिततेनुसार जिल्ह्यातील तालुक्यांची अतिशोषित, चिंताजनक आणि सुरक्षित अशा तीन श्रेणींत विभागणी करण्यात आली आहे. भूजलाचा उपसा नैसर्गिक पुनर्भरणापेक्षा अधिक होत असलेल्या तालुक्यांमध्ये वरुड, दर्यापूर आणि चांदूरबाजारचा समावेश आहे. उर्वरित तालुके सुरक्षित श्रेणीत आहेत. मात्र, सध्याची जलसाठ्याची स्थिती पाहता आगामी काळात भूजलासह धरणांवरील पाण्याचा ताण वाढण्याची शक्यता प्रशासनाने व्यक्त केली आहे..Groundwater Conservation: भूजल संरक्षण, पुनर्भरण ही सामूहिक जबाबदारी.संत्रा बागांसाठी प्रसिद्ध असलेल्या वरुड तालुक्यात भूजल विकासाचा स्तर ११ टक्क्यांपेक्षा अधिक असल्याचे नमूद करण्यात आले आहे. संत्रा बागांच्या सिंचनासाठी विहिरी आणि कूपनलिकांमधून मोठ्या प्रमाणात उपसा होत असल्याने भूजलपातळीवर परिणाम झाला आहे. काही जलसंधारण क्षेत्रे आणि गावांमध्ये भूजलपातळी १५ ते २० मीटर किंवा त्यापेक्षा अधिक खोल गेल्याचे सांगण्यात आले. ऑगस्ट-सप्टेंबरदरम्यान तालुक्यात ४० दिवसांपेक्षा अधिक काळ पावसाचा खंड पडल्याने नैसर्गिक भूजल पुनर्भरणाला मोठा फटका बसला. त्यामुळे पावसाळ्यातच काही विहिरींची पाणीपातळी घटण्यास सुरुवात झाली आहे..Ahilyanagar Rain Deficit : अहिल्यानगरमध्ये पाच लाख हेक्टरवरील पिके संकटात.दर्यापूर तालुका अतिशोषित श्रेणीत असून तो पूर्णा नदीच्या गाळाच्या खोऱ्यात येतो. या भागातील भूजल काही ठिकाणी खारे असून टीडीएसचे प्रमाण अधिक असल्याने त्याचा पिण्यासह शेतीसाठी वापर मर्यादित आहे. कापूस आणि अन्य पिकांसाठी होणारा भूजल उपसा तसेच ४० दिवसांहून अधिक पावसाचा खंड यामुळे भूजल पुनर्भरणावर परिणाम झाला आहे. .चांदूरबाजार तालुक्यात संत्रा बागा आणि नगदी पिकांचे क्षेत्र मोठे असल्याने विहिरी व कूपनलिकांमधून भूजलाचा मोठ्या प्रमाणात उपसा होतो. काही भागांत उन्हाळ्यातील भूजलपातळी २० मीटर किंवा त्यापेक्षा अधिक खोल गेल्याची नोंद आहे. जूनच्या सुरुवातीला झालेल्या पावसामुळे मेघा नदीला पूर आला आणि पूर्णा मध्यम प्रकल्पातील पाणीसाठ्यात वाढ झाली होती. मात्र, त्यानंतरच्या दीर्घ पावसाच्या खंडामुळे भूजल पुनर्भरणावर परिणाम झाला आहे..प्रकल्पांमध्ये ५९.०२ टक्के पाणीसाठासप्टेंबरमध्ये जिल्ह्यातील सर्व सिंचन प्रकल्पांचा विचार करता ५९.०२ टक्के उपयुक्त जलसाठा उपलब्ध आहे. अप्पर वर्धा या प्रमुख प्रकल्पातील पाणीसाठ्यात घट झाली असून, सध्या नियंत्रित जलसाठा आहे. जिल्ह्यातील सात मध्यम प्रकल्पांत ५८ टक्के, तर ४८ लघुप्रकल्पांत ६९ टक्के पाणीसाठा आहे. सर्व सिंचन प्रकल्पांचा एकत्रित जलसाठा ६१ टक्के असून, गतवर्षीच्या तुलनेत तो २४ टक्क्यांनी कमी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
