Amravati News: तापमानातील वाढ, अतिवृष्टी, सतत ढगाळ हवामान अशा बदलत्या हवामानामुळे संत्रा पट्ट्यात बुरशीजन्य रोगांचा प्रादुर्भाव वाढला असून फळगळती होत आहे. गेल्या अनेक वर्षांपासून या समस्येचा सामना शेतकऱ्यांना करावा लागत असला तरी संशोधक संस्थांना या प्रश्नाचे समाधान शोधता आले नाही, अशी खंत शेतकऱ्यांनी व्यक्त केली. .राज्यातील संत्र्याखालील एकूण दीड लाख हेक्टर पैकी सुमारे एक लाख हेक्टर क्षेत्र अमरावती जिल्ह्यात आहे. वरुड, मोर्शी या तालुक्यांची त्यात आघाडी आहे. परंतु गेल्या काही वर्षांत या भागात कीड-रोगांचा प्रादुर्भाव वाढीस लागत बागा सुकण्याचे प्रमाणही अधिक आहे. फळगळतीमुळे या भागातील शेतकरी हवालदिल झाले आहेत..Orange Crop Disease : अमरावतीत संत्रा बागा फायटोप्थोरामुळे धोक्यात.या संदर्भाने मंगेश देशमुख सांगतात, गेल्या दहा वर्षांपासून आम्ही याच मुद्यावर संशोधनाची मागणी करीत आहोत. इतकेच नाही तर संशोधनाकामी दोन एकर शेती द्यायला तयार आहोत. परंतु आमच्या या समस्येबाबत केंद्रीय लिंबूवर्गीय संशोधन संस्था आणि डॉ. पंजाबराव देशमुख कृषी विद्यापीठ अशा दोन्ही यंत्रणा संशोधनाच्या बाबतीत सकारात्मक नाहीत. त्यामुळे गेल्या अनेक वर्षांत या समस्येचे समाधान त्यांना शोधता आले नाही..Orange Farmers: संत्रा बागायतदारांना आर्थिक मदत द्या .पान सुकी, देठ सुकी, अतीपाऊस, कमी पाऊस तर कधी अन्नद्रव्यांची कमतरता असल्याचे सांगत शास्त्रज्ञांद्वारे वेळ मारून नेली जाते. आमच्यासमोर त्यांनी दिलेल्या सल्ल्यानुसार उपाययोजना करण्याशिवाय इतर कोणताच पर्याय राहत नाही. परंतु गेल्या अनेक वर्षांत या समस्येचे ठोस निदान तज्ज्ञांना शोधता आले नाही, ही शोकांतिका असल्याची खंत त्यांनी व्यक्त केली. संत्रा उत्पादकांना न्याय मिळावा याकरिता अनेकदा आंदोलन केली. परंतु बागायतदारांना त्यातूनही काहीच मिळाले नाही..संत्रा फळगळतीची समस्या गेल्या काही वर्षांत मोठे आव्हान झाले आहे. हेक्टरी सात क्विंटल अशी सरासरी उत्पादकता गृहीत धरली जाते. परंतु नानाविध कारणांमुळे होणाऱ्या फळगळतीच्या परिणामी ही उत्पादकता दोन ते तीन क्विंटलपर्यंत खाली येते. यातून बागायतदारांना उत्पादकता खर्चाची भरपाई देखील शक्य होत नाही.श्रीधर ठाकरे, कार्यकारी संचालक, महाऑरेंज.श्रीधर ठाकरे, कार्यकारी संचालक, महाऑरेंजसंशोधन संस्थांकडून आमच्या अपेक्षा संपल्या आहेत. कृषी विद्यापीठाचे तज्ज्ञ बागेला भेट देतात व उपाययोजना सुचविता ही समाधानाची बाब असली तरी त्यातून संत्रा बागायतदारांच्या हाती काहीच लागत नाही. माझी संत्रा लागवड २० एकरांत आहे.मंगेश देशमुख प्रयोगशील शेतकरी, वणी बेलखेडा, चांदूरबाजार, अमरावती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
