Farmer Agitation Victory : नाशिक परिक्रमा मार्ग (रिंगरोड), महामार्ग क्र. २९ चिंचखेड-जोपुळ (दिंडोरी) तसेच पाथर्डी कचरा डेपोबाधित शेतकऱ्यांच्या आंदोलनाला गुरुवारी महत्त्वपूर्ण यश मिळाले. पालकमंत्री गिरीश महाजन यांनी आंदोलनस्थळी भेट देऊन शेतकऱ्यांशी चर्चा केली. त्यानंतर मुख्यमंत्री देवेंद्र फडणवीस यांच्यासोबत सविस्तर बैठक होऊन निर्णय होईपर्यंत रिंगरोडसंदर्भातील पुढील कामे स्थगित ठेवण्याचे आदेश जिल्हाधिकारी आयुष प्रसाद यांना दिले, अशी माहिती आंदोलक तथा छावा क्रांतिवीर सेनेचे अध्यक्ष करण गायकर यांनी दिली..गेल्या दोन दिवसांपासून इंदिरानगर पोलिस ठाण्याच्या आवारात शेकडो शेतकरी ठिय्या आंदोलन करीत आहेत. २५ ऑगस्टला मुख्यमंत्र्यांना राखी बांधून घरदार, शेती व संसार वाचविण्याचे साकडे घालण्यासाठी शेतकरी मुंबईकडे पायी निघाले होते. मात्र, पोलिसांनी मोर्चा रोखून करण गायकर यांना स्थानबद्ध केले होते. त्यानंतर शेतकऱ्यांनी पोलिस ठाण्याच्या आवारातच आंदोलन सुरू केले..Farmer Agitation : मुख्यमंत्र्यांच्या भेटीशिवाय आंदोलन मागे घेणार नाही.यावेळी शेतकऱ्यांनी भूसंपादन मोबदल्यातील तफावत, ग्रामीण भागासाठी गुणांक दोन लागू करणे, फळझाडांचे कमी दर, एकाच गावातील भिन्न मोबदला, रिंगरोडच्या अलाइनमेंटवरील आक्षेप आणि प्रकल्पामुळे होणारे सामाजिक-आर्थिक नुकसान याबाबत भूमिका मांडली. महामार्ग क्र. २९ साठी विनामोबदला भूसंपादन होऊ देणार नसल्याचेही त्यांनी स्पष्ट केले..Ring Road Project : रिंग रोड बाधितांचा शासनाविरोधात एल्गार.दोन-तीन दिवसांत मंत्रालयात बैठकमहाजन यांनी सांगितले, की मुख्यमंत्र्यांशी चर्चा झाली असून, पुढील दोन-तीन दिवसांत मंत्रालयात बैठक होईल. या बैठकीला शेतकरी प्रतिनिधी, एमएसआयडीसीचे वरिष्ठ अधिकारी, जिल्हा प्रशासन उपस्थित राहणार आहेत. .अलाइनमेंट, मोबदला, गुणांक आणि फळझाडांचे दर यांसह सर्व प्रश्नांवर चर्चा केली जाईल. दरम्यान, मुख्यमंत्र्यांना राखी बांधता न आल्याने महिला शेतकऱ्यांनी पालकमंत्री महाजन यांना राखी बांधली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
