Land Acquisition Resurvey Request: नाशिक रिंग रोड भूसंपादन प्रक्रियेत झालेल्या कथित चुकीच्या मोजणीबाबत बाधित शेतकऱ्यांनी जिल्हाधिकारी आयुष प्रसाद यांची भेट घेऊन गंभीर आक्षेप नोंदविला. छावा क्रांतिवीर सेनेचे अध्यक्ष करण गायकर यांच्या नेतृत्वाखाली गोवर्धनसह रिंग रोड बाधित गावांतील शेतकरी प्रतिनिधींनी शुक्रवारी (ता. ३१) जिल्हाधिकाऱ्यांना पुराव्यांसह निवेदन सादर केले..शेतकरी प्रतिनिधींनी २० जुलै रोजी गोवर्धन येथे करण्यात आलेली मोजणी प्रत्यक्ष जागेवर न करता केवळ कागदपत्रांवर दाखविण्यात आल्याचा आरोप केला. ही मोजणी चुकीची असून उच्च न्यायालयाच्या निर्देशांचे उल्लंघन करणारी असल्याचे त्यांनी जिल्हाधिकाऱ्यांच्या निदर्शनास आणून दिले..Nashik Ring Road: शेतकऱ्यांना विश्वासात न घेता झालेली सुनावणी मान्य नाही.उपोषणादरम्यान मंत्री गिरीश महाजन यांनी मुख्यमंत्री देवेंद्र फडणवीस आणि रिंग रोड बाधित शेतकरी यांच्यात अंतिम बैठक होईपर्यंत संबंधित १४ गावांमध्ये कोणतीही भूसंपादन प्रक्रिया राबवू नये, अशा सूचना दिल्या होत्या. त्यानुसार जिल्हाधिकाऱ्यांनी संबंधित विभागांना लेखी आदेशही दिले होते..मात्र, भूसंपादन अधिकारी डॉ. पवन दत्ता हे या निर्देशांचे पालन करत नसल्याचा आरोप शिष्टमंडळाने केला. चुकीच्या पद्धतीने मार्गदर्शन करून शेतकऱ्यांमध्ये संभ्रम निर्माण होत असल्याने डॉ. दत्ता यांना पुन्हा स्पष्ट लेखी सूचना द्याव्यात, अशी मागणीही करण्यात आली..Land Acquisition: परिक्रमा मार्गासाठी भूसंपादन प्रक्रिया पारदर्शकपणे राबवविणार : जिल्हाधिकारी आयुष प्रसाद .जिल्हाधिकारी प्रसाद यांनी २७ जुलै रोजी झालेल्या भूसंपादन अधिकाऱ्यांच्या बैठकीतील निर्णयांची माहिती शेतकरी प्रतिनिधींना दिली. बैठकीतील निर्णयांची कागदपत्रे करण गायकर यांच्या स्वाधीन करत प्रशासन शेतकऱ्यांच्या समस्या सोडविण्यास कटिबद्ध असल्याचे त्यांनी स्पष्ट केले. शासन स्तरावर शेतकरी हिताचे काही महत्त्वाचे निर्णय घेण्यात आले असून त्यांचा अभ्यास करून आवश्यक बदलांवर सकारात्मक चर्चा केली जाईल, असेही त्यांनी सांगितले..आजच्या बैठकीकडे लक्षशासनाच्या नव्या निर्णयांची माहिती, मुख्यमंत्री देवेंद्र फडणवीस यांच्यासोबत होणाऱ्या बैठकीची तयारी तसेच पुढील आंदोलनाची दिशा ठरविण्यासाठी रविवारी (ता. २) सकाळी ११ वाजता नाशिक येथील कालिका माता मंदिर हॉल येथे सर्व रिंग रोड बाधित शेतकऱ्यांची बैठक आयोजित करण्यात आली आहे. या बैठकीस मोठ्या संख्येने उपस्थित राहण्याचे आवाहन करण गायकर यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
