Sindhudurg News: सिंधुदुर्ग जिल्ह्यात भात पीक ऐन फुलोरा अवस्थेत असताना पावसाने मागील आठवड्यापासून दडी मारली असून कडक ऊन पडत आहे. त्यामुळे वरकस जमिनीतील भातपीक संकटात येण्याची शक्यता आहे. पावसाने अजून लांबल्यास उत्पादनात घट होण्याची शक्यता शेतकऱ्यांमधून व्यक्त केली जात आहे. .सिंधुदुर्ग जिल्ह्यात यंदा ५४ हजार हेक्टरवर भात पिकाची लागवड झाली आहे. या वर्षी मॉन्सून मे महिन्यात बरसला असला तरी भात रोपवाटिकांच्या कामांना जूनमध्ये सुरुवात झाली. तीन चार टप्प्यांत रोपवाटिका तयार केल्यामुळे भातरोपे लागवड जुलै अखेरपर्यंत सुरू होती. पहिल्या, दुसऱ्या आणि तिसऱ्या टप्प्यांत लागवड केलेली ७० ते ७५ टक्के भातपिके फुलोऱ्याच्या स्थितीत आहेत..Paddy Farming : भातपिकावर कीड-रोगांचा प्रादुर्भाव.फुलोरा भातपिकातील महत्त्वाचा टप्पा असून या वेळी पिकांना पावसाची गरज असते. दोन तीन दिवसांपूर्वी हलक्या सरी झाल्या. मात्र भातपिकाला पूरक पाऊस झालेला नाही. जिल्ह्यात ५० टक्के वरकस क्षेत्रात भातपीक लागवड आहे. हवामान विभागाच्या अंदाजानुसार अजून दोन ते तीन दिवस पावसाची शक्यता नाही. त्यामुळे शेतकऱ्यांची बैचेनी वाढली आहे..Rain Shortage : पावसाने दडी मारल्याने शेतकरी बांधव चिंतेत.उत्पादनात घट शक्यभातपीक लोंबी येण्याच्या स्थितीत असून सिंधुदुर्गच्या अनेक भागांत पाऊस नाही. फुलोरा येण्याच्या स्थितीत जर पुरेसे पाणी पिकाला मिळाले नाही तर उत्पादनात २५ टक्के घट येण्याची शक्यता असते..भातपीक फुलोरा, दाणे तयार होण्याच्या स्थितीत आहे. या कालावधीत भातखाचरामध्ये ५ ते १० सेमी इतक्या पाण्याची गरज असते. त्याचवेळी चांगला फुलोरा बाहेर पडून दाणे देखील चांगल्या दर्जाचे तयार होतात. परंतु सद्यःस्थिती पाहता वरकस लागवड केलेल्या शेतकऱ्यांनी भातखाचरांतील पाणीपातळी समतोल राखावी. पडलेल्या पावसाचे पाणी साचून राहण्यासाठी बांधबधिस्ती करावी. पाऊस पडत नसेल तर बाहेरचा स्रोत नदी, नाला, विहीर, विंधनविहिरींचा वापर करून भातपिकांना पाणी द्यावे. जेणेकरून उत्पादनात घट होणार नाही. डॉ. यशवंत मुठाळ, तांत्रिक अधिकारी, ग्रामीण कृषी हवामान सेवा मुळदे, कुडाळ, सिंधुदुर्ग.पावसाअभावी वरकस जमिनीतील पिकांना धोका निर्माण होण्याची शक्यता आहे. पुढील दोन तीन दिवसांत पाऊस झाला नाही तर अनेक भागातील पिकांना फटका बसू शकतो. पाणथळ जमिनीतील पिकांना तितकासा धोका तूर्तास नाही.सुशांत नाईक, भात उत्पादक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
