Pune News: राज्यात कापसाची कमी उत्पादकता निश्चित केल्यामुळे शेतकऱ्यांना हमीभावाने कापूस विक्री करण्यात अडथळे येत होते. त्यामुळे राज्यभरात शेतकऱ्यांमध्ये संतापाची भावना होती. या पार्श्वभूमीवर राज्याचे कृषी आयुक्त सूरज मांढरे यांनी बुधवारी (ता. ३) परिपत्रक काढून कापसाची जिल्हानिहाय सुधारित उत्पादकता जाहीर केली. .कृषी विभागाने जाहीर केलेल्या वाढीव मर्यादेनुसार कापसाची खरेदी करण्यासाठी पणन विभागाने सीसीआयला पत्र पाठवले आहे. याची लवकरच अंमलबजावणी होईल, असे पणन विभागाच्या अधिकाऱ्यांनी सांगितले. त्यामुळे राज्यातील कापूस उत्पादकांना दिलासा मिळण्याची शक्यता आहे..Cotton Procurement: ‘सीसीआय’तर्फे मालेगाव तालुक्यात कापूस खरेदी केंद्र सुरू.सीसीआयने यंदा हमीभावाने कापूस खरेदी करताना राज्यांच्या कृषी विभागांकडून उत्पादकतेची माहिती घेऊन जिल्हानिहाय खरेदीची मर्यादा ठरवली होती. परंतु एकाच जिल्ह्यात परिस्थिती वेगळी असते. काही भागात उत्पादन कमी तर काही भागात अगदी दुपटीपर्यंत उत्पादकता येते. परिणामी त्या जिल्ह्याची सरासरी उत्पादकता कमीच राहते. जमिनीची गुणवत्ता, वाण, पाणी-खत व्यवस्थापन, रोगनियंत्रण आणि आधुनिक तंत्रज्ञानाचा वापर यामुळे अनेक शेतकऱ्यांचे उत्पादन सरासरीपेक्षा जास्त असते..कापूस खरेदी करताना जिल्ह्याची सरासरी उत्पादकता गृहीत धरल्याने अनेक शेतकऱ्यांना उरलेला कापूस खुल्या बाजारात विकावा लागत होता. त्यामुळे खरेदीची मर्यादा वाढविण्याची मागणी शेतकरी आणि लोकप्रतिनिधींनी केली होती. परंतु कृषी विभागाने दिलेल्या उत्पादकतेच्या आकडेवारीमुळे यात अडचणी येत होत्या..Cotton Procurement: राज्यात कापूस खरेदी मर्यादा हेक्टरी ३० क्विंटल करावी.शेतकऱ्यांची मागणी लक्षात घेत कृषी विभागाने प्रत्येक जिल्ह्यात घेतलेल्या पीक कापणी प्रयोगातीलजास्त उत्पादन असलेल्या २५ टक्के प्रयोगातील उत्पादकता गृहीत धरण्याच्या सूचना केल्या आहेत. त्यामुळे प्रत्येक जिल्ह्यातील उत्पादकता अधिक आली आहे. त्यामुळे कापूस खरेदीची मर्यादाही वाढणार आहे..जिल्हानिहाय कापूस उत्पादकता ही केवळ केंद्रांवर कापूस विक्री करण्यासाठीच गृहीत धरण्यात यावी. त्याशिवाय याचा वापर अन्य ठिकाणी कोणत्याही कारणासाठी विचारात घेतला जाणार नाही. जादा उत्पादनाचा वापर हा केवळ अपवादात्मक परिस्थिती म्हणून केवळ खरीप २०२५ मध्ये उत्पादित झालेल्या कापूस उत्पादनासच लागू राहील, असे आयुक्तांच्या परिपत्रकात नमूद केले आहे....अशी आहे वाढीव मर्यादा (हेक्टरी, क्विंटलमध्ये).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
