Nanded News: नांदेड जिल्हाधिकारी राहुल कर्डिले यांच्या मार्गदर्शनाखाली महसूल विभागाच्या पथकाने मंगळवारी (ता.९) नांदेड तालुक्यातील कल्लाळ व पिंपळगाव निमजी परिसरात पहाटे पाच वाजता अवैध वाळू उत्खननाविरोधात धडक कारवाई केली. यात वापरली जाणारी तीन गुडगुडी आणि एक इंजिन जिलेटीनने स्फोट करून नष्ट केले. तसेच १५ तराफे जाळून टाकले. या कारवाईत एकूण १८ लाखांचा मुद्देमाल जागेवरच नष्ट करण्यात आला. .नांदेड तालुक्यात गोदावरी नदीतून मागील अनेक दिवसापासून अवैध वाळू उपसा सुरु होता. याविरुद्ध अनेकवेळा प्रतिबंधात्मक कार्यवाही करुनही हा वाळू उपसा चालूच होता. याबाबत जिल्हाधिकारी राहुल कर्डिले यांनी जिल्ह्यातील सर्वच ठिकाणचा वाळू उपसा बंद करण्याचे निर्देश दिले होते..Illegal Sand Mining : बेफाम वाळूउपशाने नदीकाठी टंचाई.यानुसार नांदेड तालुक्यातील कल्हाळ व पिपंळगाव निमजी नदीकाठावर मशिनच्या सहायाने वाळू उपसा सुरु असल्याची माहिती महसूल प्रशासनाला मिळाली. याबाबत नांदेड उपविभागीय अधिकारी डॉ. सचिन खल्लाळ, तहसीलदार संजय वारकड, नायब तहसीलदार सुनील माचेवाड, मंडळ अधिकारी कुणाल जगताप..Illegal Sand Mining : अवैध वाळू उत्खनन, वाहतुकीवर ‘एमपीडीए’अंतर्गत गुन्हे नोंदवा.अनिरुद्ध जोंधळे, मोहसीन सय्यद, तसेच ग्राम महसूल अधिकारी मनोज जाधव, माधव भिसे, श्रीरामे, रमेश गिरी, मनोज सरपे, महेश जोशी, कल्याणकर, सचिन उपरे, मुंगल, गजानन होळगे, संजय खेडकर आणि महसूल सेवक बालाजी सोनटक्के, शिवा तेलंगे, जानोळे, हिंगोले यांचा समावेश असलेल्या पथकाने मंगळवारी पहाे पाच वाजता गस्तीदरम्यान पथकाला अवैध वाळू उत्खननासाठी वापरली जाणारी ३ गुडगुडी, १ इंजिन, १५ तराफे सापडले. .मजुरांच्या साह्याने पथकाने ३ गुडगुडी आणि १ इंजिन जिलेटीनने स्फोट करून नष्ट केले. १५ तराफे जाळून नष्ट केले असा एकूण १८ लाख रुपये किमतीचा मुद्देमाल जागेवरच नष्ट केला. अवैध वाळू उत्खनन करणार्यांनी कारवाई टाळण्यासाठी रस्त्यावर जाणूनबुजून पाणी सोडून दिले होते, ज्यामुळे पायी किंवा साध्या वाहनाने पुढे जाणे अशक्य होते. तरीही पथकाने ट्रॅक्टरचा वापर करून उत्खनन पॉईंटपर्यंत पोहोचत कारवाई पूर्ण केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
