Latur News : महसूल विभाग हा प्रशासनाचा कणा मानला जातो. ग्रामीण भागातील नागरिक आणि शेतकऱ्यांना विविध सरकारी सेवा पुरविणे, जमिनीचे अभिलेख अद्ययावत ठेवणे, सातबारा उतारा सुलभपणे उपलब्ध करून देणे आणि नागरिकांचे प्रलंबित प्रश्न जलदगतीने निकाली काढणे, ही महसूल विभागाची पहिली जबाबदारी आहे..यामुळेच शेतकरी व नागरिकांना तातडीने न्याय मिळावा आणि प्रलंबित प्रकरणांचा कमी वेळेत निपटारा व्हावा, यासाठी महसूल विभागाकडून सातत्याने नावीन्यपूर्ण उपक्रम राबविले जात आहेत. विभागाने आता न्यायालयाच्या धर्तीवर महसूल लोक अदालतीचा उपक्रम हाती घेतला असून जिल्ह्यात १३ सप्टेंबर रोजी जिल्हा, उपविभाग, तालुका आणि मंडळाच्या ठिकाणी पहिली महसूल लोक अदालत घेण्यात येणार आहे..Revenue Department Reform: दस्त नोंदणी चुकल्यास वरिष्ठ अधिकाऱ्यांना जबाबदार धरणार: चंद्रशेखर बावनकुळे.या अदालमध्ये महसूल अधिकाऱ्यांकडे प्रलंबित असलेली अर्धन्यायिक आणि ज्यामध्ये दोन्ही पक्षकार तडजोडीने वाद मिटविण्यास तयार असतील, अशी प्रकरणे निकाली काढण्यात येणार आहेत. पक्षकार स्वतः किंवा त्यांच्या वकिलांमार्फत उपस्थित राहून तडजोड दाखल करू शकतील. तडजोडीवर आधारित प्रकरणाचा निपटारा झाल्यास त्याविरुद्ध कोणतेही अपील दाखल करता येणार नाही. .ही लोक अदालत दिवाणी न्यायालयाच्या धर्तीवर राबवण्यात येणार असल्याचे अपर जिल्हाधिकारी शिल्पा न. करमरकर यांनी सांगितले. सर्व तडजोडी कायदेशीर चौकटीत असणार आहेत. कायदेशीर तरतुदींना विरोधी किंवा विसंगत तडजोड या अदालतीमध्ये मान्य केली जाणार नाही. .Revenue Department : महसूलचा गोंधळ; लाभार्थ्यांची गर्दी.लोक अदालतीत दाखल झालेली प्रकरणे संबंधित प्राधिकरणामार्फत व अधिकाऱ्यांच्या माध्यमातून सात दिवसांत निकाली काढण्यात येणार आहेत, असेही करमरकर यांनी सांगितले. मंडळ स्तरावर संबंधित मंडळ अधिकारी कार्यालय, तालुका स्तरावर संबंधित तहसील कार्यालय, उपविभाग स्तरावर संबंधित उपविभागीय अधिकारी कार्यालय आणि जिल्हास्तरावर अपर जिल्हाधिकारी कार्यालय १३ सप्टेंबर रोजी सकाळी ११ ते सायंकाळी चार या वेळेत ही महसूल लोक अदालत होणार आहे..याासठी संबंधित कार्यालयाच्या प्रमुखांशी संपर्क करता येणार आहे. शेतकरी, नागरिक, पक्षकार व विधिज्ञांनी या महसूल लोक अदालतीचा लाभ घेऊन आपली प्रलंबित प्रकरणे तडजोडीद्वारे निकाली काढण्यासाठी पुढाकार घ्यावा, असे आवाहन अपर जिल्हाधिकारी करमरकर यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
