Pune News: राष्ट्रीय कृषी व ग्रामीण विकास बँकेमध्ये (नाबार्ड) भरती झालेल्या १ नोव्हेंबर २०१७ पूर्वी सेवानिवृत्त कर्मचाऱ्यांनी विविध मागण्यांबाबत शिवाजीनगर येथील ‘नाबार्ड’च्या प्रवेशद्वाराजवळ सोमवारी (ता. ५) धरणे आंदोलन केले..ऑल इंडिया नाबार्ड रिटायर्ड एम्प्लॉईज वेल्फेअर असोसिएशन अंतर्गत देशभरातील सुमारे ३५०० हून अधिक सेवानिवृत्त कर्मचारी, ऐंशी वर्षांवरील कुटुंब पेन्शनधारक या आंदोलनात सहभागी झाले आहेत. पुण्यासह देशातील नाबार्ड मुख्यालय व विविध प्रादेशिक कार्यालयांसमोर हे धरणे आंदोलन करण्यात आले आहे..Farmers Protest: नुकसानीच्या अनुदान यादीत घोळ; शेतकऱ्यांचे ‘शोले स्टाइल’ आंदोलन.‘नाबार्ड’मध्ये भरती झालेल्या १ नोव्हेंबर २०१७ पर्यंत सेवानिवृत्त कर्मचाऱ्यांच्या पेन्शनमध्ये तातडीने सुधारणा करणे, भारत सरकारने मंजूर केलेल्या कुटुंब पेन्शन सुधारणा अंमलात आणणे व कुटुंब पेन्शनवरील कमाल मर्यादा रद्द करणे, २० वर्षांच्या सेवेनंतर पूर्ण पेन्शन मंजूर करण.Employee Protest: बाराशे कंत्राटी कर्मचाऱ्यांचे असहकार आंदोलन.तसेच शेवटच्या वेतनाच्या आधारे किंवा दहा महिन्यांच्या वेतनाच्या सरासरीपैकी जे अधिक फायदेशीर असेल त्यावर पेन्शन निश्चित करणे, यांचा प्रमुख मागण्यांमध्ये समावेश आहे. भारत सरकारच्या २१ जुलै २०२३ च्या आदेशानुसार पेन्शनधारकांना पेन्शन सुधारणांपासून वगळण्यात आल्याने सेवानिवृत्त कर्मचाऱ्यांमध्ये तीव्र असंतोष आहे..या मागण्यांकडे दुर्लक्ष झाल्यास आंदोलन अधिक तीव्र करण्यात येईल, असा इशारा देण्यात आला आहे. तसेच पुढील टप्प्यात संसदेसमोर धरणे तसेच ज्येष्ठ सेवानिवृत्त कर्मचाऱ्यांकडून उपोषण करण्याचा इशाराही देण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
