Jalgaon Banana Rate: जळगाव : शासनाने मध्यंतरी केळीचा शालेय पोषण आहारात समावेश केला. पण त्याचा पुरवठा आता पोषण आहारात होत नाही. हा पुरवठा सुरू झाल्यास केळी दरात सुधारणा होईल, केळी उत्पादकांचे नुकसान कमी होईल, असा मुद्दा उपस्थित केला जात आहे. .सध्या खानदेशात केळीस उठाव कमी असून, आवक अधिक आहे. केळीचे दर ४०० ते १२०० रुपये प्रति क्विंटल असे आहेत. चार महिने केळी दर दबावात आहेत. यामुळे शेतकरी मोठा तोटा सहन करीत आहेत. .Banana Export: केळी निर्यातीची गती मंदावली.शासनादेश आले, दुर्लक्षही कायमपंतप्रधान पोषण शक्ती निर्माण योजनेमध्ये नावीन्यपूर्ण उपक्रमांतर्गत विद्यार्थ्यांच्या शालेय पोषण आहारात अंडी, केळीचा समावेश करण्याचा शासन आदेश राज्य शासनाने काढला. जळगाव जिल्हा केळी उत्पादनात अग्रेसर राहिला आहे. परंतु केळीला कायमस्वरूपी हमीभाव मिळण्याची शाश्वती नव्हती. तसेच गारपीट, वादळ अशा स्वरूपाच्या नैसर्गिक संकटांत केळी बागांचे मोठ्या प्रमाणात नुकसानही शेतकरी सोसत आहेत. पण या आदेशांची अंमलबजावणी होत नसल्याची स्थिती आहे. .Banana Plantation: जळगावात केळी लागवडीबाबत प्रत्यक्ष पीक पाहणी सुरूच.पोषण आहारामध्ये केळीचा समावेश झाल्याने केळी उत्पादक राज्यातील शासकीय तसेच शासन मान्य शाळामध्ये माध्यान्ह भोजनांतर्गत पोषण आहार देण्यात यावा, अशी मागणी आहे. नावीन्यपूर्ण उपक्रमांतर्गत नियमित पोषण आहार व्यतिरिक्त अतिरिक्त पूरक पौष्टिक पदार्थ विद्यार्थ्यांना उपलब्ध करून देणे आवश्यक आहे. यानुसार विद्यार्थ्यांना अंडी देण्यात येणार आहेत. तसेच जे विद्यार्थी अंडी खात नाहीत. त्यांना केळी अथवा स्थानिक बाजारपेठेत उपलब्ध फळे देण्यात यावीत, असे आदेशात नमूद आहे. केळी उत्पादक महासंघ, फळबागायतदार संघ (रावेर, जि.जळगाव), केळी उत्पादक, भारतीय किसान संघानेही पोषण आहारात केळीचा समावेश करण्याची मागणी केली होती. शेतकऱ्यांना हमीभाव मिळू शकतात. जिल्हा परिषदेने यासाठी कार्यवाही करावी व केळीची खरेदी सुरू करावी, अशी मागणी होत आहे..मुख्य बागायती पीक, पण हानीही मोठीजिल्ह्याचे मुख्य पीक केळी आहे. यामुळे त्याचा शालेय पोषण आहारात समावेश व्हावा, यासाठी लोकप्रतिनिधी, शेतकरी, अधिकारी यांनी सतत पाठपुरावा केला होता. त्यास यश आले असून शासनाने शालेय पोषण आहारात केळीचा समावेश करण्याचा निर्णय घेतल्याने जिल्ह्यातील शेतकऱ्यांनी आनंद व्यक्त केला होता. पण केळी शासन खरेदी करीत नाही. केळी दर कवडीमोल, मातीमोल असल्याने मोठी हानी सध्या होत आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
