Forced Bundling : राज्यात खरीप हंगामादरम्यान युरिया खताचा तीव्र तुटवडा जाणवत असून अनेक ठिकाणी शेतकऱ्यांना खतासाठी लांबच लांब रांगा लावाव्या लागत आहेत. या पार्श्वभूमीवर दिंडोरी लोकसभा मतदारसंघाचे खासदार भास्करराव भगरे यांनी मुख्यमंत्री देवेंद्र फडणवीस यांना निवेदन देऊन राज्यातील शेतकऱ्यांना युरिया खताचा पुरेसा व सुरळीत पुरवठा तातडीने उपलब्ध करून देण्याची मागणी केली आहे..निवेदनात खासदार भगरे यांनी म्हटले आहे की, अनेक जिल्ह्यांत युरियाचा कृत्रिम तुटवडा निर्माण झाल्याने शेतकऱ्यांना कृषी सेवा केंद्रांवर तासन्तास रांगेत उभे राहावे लागत आहे. त्यामुळे शेतकऱ्यांमध्ये तीव्र नाराजीचे वातावरण निर्माण झाले आहे. अनेक ठिकाणी एका आधारकार्डावर केवळ एकच युरियाची गोणी दिली जात असल्याची बाबही त्यांनी मुख्यमंत्र्यांच्या निदर्शनास आणून दिली आहे. प्रत्यक्षात पिकांच्या क्षेत्रानुसार एका शेतकऱ्याला पाच ते सात गोण्यांची आवश्यकता असते..Urea and DAP stock : खरिपासाठी खतांचा पुरेसा साठा; उत्पादनही वाढले, केंद्र सरकारचा दावा .तसेच काही विक्रेते युरियासोबत इतर खते किंवा कृषी निविष्ठा खरेदी करण्याची सक्ती करत असल्याच्या तक्रारी मोठ्या प्रमाणावर समोर येत असून, हा प्रकार शेतकऱ्यांवर अन्याय करणारा असल्याचे त्यांनी नमूद केले आहे..DAP Fertilizer Released: परभणी जिल्ह्यात संरक्षित साठ्यातून ८०० टन डीएपी खत खुले.खासदार भगरे यांनी मुख्यमंत्री फडणवीस यांच्याकडे राज्यातील सर्व जिल्ह्यांना पुरेशा प्रमाणात युरिया खताचा अखंडित पुरवठा करण्याचे निर्देश देण्याची, शेतकऱ्यांच्या गरजेनुसार खताचा साठा उपलब्ध करून देण्याची, खासगी कृषी सेवा केंद्रांनाही पुरेशा प्रमाणात युरिया उपलब्ध करून वितरण व्यवस्था सुरळीत करण्याची तसेच युरियासोबत इतर खते खरेदी करण्याची सक्ती करणाऱ्या विक्रेत्यांवर कठोर कारवाई करण्याची मागणी केली आहे. .याशिवाय जिल्हा प्रशासन आणि कृषी विभागामार्फत नियमित तपासणी करून कृत्रिम टंचाई निर्माण करणारे, साठेबाजी करणारे तसेच जादा दराने खत विकणाऱ्यांविरोधात कठोर कारवाई करावी, अशीही मागणी त्यांनी केली आहे. खरीप हंगामात योग्य वेळी युरिया उपलब्ध होणे उत्पादनवाढीसाठी अत्यावश्यक असल्याने राज्य शासनाने या विषयात तातडीने हस्तक्षेप करून शेतकऱ्यांना दिलासा द्यावा, अशी अपेक्षा खासदार भास्करराव भगरे यांनी व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
