Chandrapur News : चंद्रपूर जिल्ह्यातील नगर परिषद व नगरपंचायतींच्या नगराध्यक्ष पदांचे आरक्षण जाहीर होताच निवडणुकीच्या रणधुमाळीला सुरुवात झाली आहे. चिमूर व घुग्घुस या नगर परिषदांचे नगराध्यक्ष पद अनुसूचित जातीच्या महिलांसाठी राखीव असून, मूल, बल्लारपूर व वरोरा येथील पदे नागरिकांच्या मागास प्रवर्गातील महिलांसाठी आरक्षित आहेत. .ब्रह्मपुरी व भद्रावती येथील पदे नागरिकांच्या मागास प्रवर्गातील पुरुषांसाठी तर राजुरा व गडचांदूर खुल्या प्रवर्गासाठी राखीव आहेत. सोमवारी (ता. ६) घोषित झालेल्या या आरक्षणानंतर महिला प्रवर्गात आनंदाचे वातावरण आहे. विशेष म्हणजे घुग्घुस येथे प्रथमच नगर परिषद निवडणूक होत असून, अनुसूचित जातीच्या महिलांसाठी नगराध्यक्ष पद आरक्षित निघाल्याने महिलांमध्ये उत्साह पाहायला मिळत आहे. .Local Body Election: स्थानिक स्वराज्य संस्थांच्या निवडणुकांचा मुहूर्त जानेवारीत? तीन टप्प्यात मतदान होण्याची शक्यता.चिमूरमध्येही अनुसूचित जातीच्या महिलांसाठीच पद राखीव असल्याने या प्रवर्गात स्पर्धा रंगणार आहे. यंदा नगराध्यक्ष पदांची निवड थेट जनतेतून होणार असल्याने निवडणुकीत अधिक रंगत निर्माण होणार आहे. मूल, बल्लारपूर आणि वरोरा या तिन्ही नगर परिषदांमध्ये महिलांसाठी आरक्षण असल्याने तिथे महिला उमेदवारांमध्ये चांगलीच चुरस अपेक्षित आहे. .विशेष म्हणजे यापूर्वीही बल्लारपूर व मूल येथे महिला नगराध्यक्ष होत्या. पुन्हा महिलांसाठी आरक्षण निघाल्याने महिला वर्गात उत्साहाचे वातावरण आहे. ब्रह्मपुरी व भद्रावती या दोन्ही नगरपरिषदांमध्ये नागरिकांच्या मागास प्रवर्गातील पुरुषांसाठी आरक्षण जाहीर झाले असून, यापूर्वी ब्रह्मपुरीत महिला नगराध्यक्ष तर भद्रावतीत पुरुष नगराध्यक्ष होते. यंदा ब्रह्मपुरीत पुन्हा पुरुषांना संधी मिळणार आहे..Local Body Elections: ‘झेडपी’, पंचायत समिती सदस्यांसाठी सोमवारी आरक्षण सोडत.राजुरा व गडचांदूर या लागून असलेल्या नगरपरिषदांचे नगराध्यक्ष पद खुल्या प्रवर्गासाठी राखीव असून, नगर पंचायतींमध्ये भिसीचे पद अनुसूचित जाती पुरुषांसाठी, गोंडपिंपरीचे अनुसूचित जाती महिलांसाठी आरक्षित आहे. .नागरिकांच्या मागास प्रवर्गात पोंभूर्णा पुरुषांसाठी तर जिवती व सावली महिला नगराध्यक्ष पदांसाठी राखीव आहेत. कोरपना व सिंदेवाही नगर पंचायत अनुसूचित जमातीसाठी राखीव असून, आरक्षण जाहीर होताच विविध राजकीय पक्षांनी हालचाली सुरू केल्या आहेत. संभाव्य उमेदवारांचा शोध आणि चर्चा स्थानिक स्तरावर वेगाने सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
