Thane News: महाराष्ट्रातील जव्हार, विक्रमगड, वाडा आणि भिवंडी तालुक्यांतून जाणाऱ्या खावडा ४-सी वीजवहन प्रकल्पामुळे बाधित झालेल्या शेतकऱ्यांना मोठा दिलासा मिळाला आहे. आतापर्यंत ४.५ कोटी रुपयांपेक्षा अधिक नुकसानभरपाई वितरित करण्यात आली आहे. रेझोनिया लिमिटेडद्वारे संचालित खावडा ४-सी पॉवर ट्रान्समिशन लिमिटेडकडून जमीन, उभ्या पिके व झाडांच्या नुकसानीपोटी ही भरपाई अदा करण्यात येत असल्याची माहिती कंपनी सूत्रांनी दिली..खावडा ४-सी वीजवहन प्रकल्पांतर्गत उभारण्यात येणाऱ्या वीज मनोऱ्यांमुळे आणि विद्युत वाहिन्यांमुळे बाधित झालेल्या शेतजमिनींच्या वापर हक्कासाठी शेतकऱ्यांना सरकारमान्य दरानुसार मोबदला देण्यात येत आहे. या प्रकल्पासाठी संबंधित उपविभागीय अधिकाऱ्यांच्या स्तरावर सविस्तर चर्चा करून उपविभागीय अधिकाऱ्यांनी तालुकानिहाय नुकसानभरपाईचे दर निश्चित केले आहेत. उर्वरित बाधित शेतकऱ्यांनाही टप्प्याटप्प्याने मोबदला देण्यात येणार असल्याचे कंपनीकडून स्पष्ट करण्यात आले आहे..Farmers Relief: अतिरिक्त भूसंपादन कारवाई तत्परतेने व्हावी.लोकप्रतिनिधींचा समन्वयवीज मनोरे व विद्युत वाहिन्यांखालील जमिनीच्या वापरासाठी आकर्षक भरपाई निश्चित करण्यापूर्वी संबंधित उपविभागीय अधिकाऱ्यांकडून व्यापक चर्चा करण्यात आली. या प्रक्रियेत पालघरचे पालकमंत्री गणेश नाईक, खासदार डॉ. हेमंत सवरा, विक्रमगडचे आमदार हरिश्चंद्र भोये आणि भिवंडी ग्रामीणचे आमदार शांताराम मोरे यांनी शेतकऱ्यांशी संवाद साधत महत्त्वपूर्ण सहकार्य केले. या समन्वयामुळे भरपाई प्रक्रिया वेगवान व सुलभ झाल्याचे सांगण्यात येत आहे. आता कंपनीनेही शेतकऱ्यांना मोबदला देण्यास सुरुवात केली..Farmer Relief: अवैध सावकारांनी बळकावलेली ३९.१२ हेक्टर जमीन केली परत.शेतकऱ्यांना कोट्यवधींचा लाभयोजनेअंतर्गत वाडा तालुक्यातील शेतकरी पंढरीनाथ पाटील यांना १३ लाख ९८ हजार १२८ रुपये, तर लाभार्थी महेंद्र जाधव यांना आठ लाख ८९ हजार ९०८ रुपये नुकसान भरपाई देण्यात आली आहे. टॉवर उभारणीचे काम पूर्ण झाल्यानंतर संबंधित शेतकऱ्यांना याच रकमेइतकी भरपाई पुन्हा दिली जाणार असल्याचे कंपनीने स्पष्ट केले आहे..प्रति चौ. मीटर दर (रुपयांत)विक्रमगड ६२७वाडा १,२५३जव्हार २४४भिवंडी ३,३००.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
