Sangli News: युरोपियन तसेच आखाती देशांकडे द्राक्ष निर्यातीसाठी शेतकरी नोंदणीची प्रक्रिया जिल्ह्यात सुरू झाली असून बागातदारांचा हळूहळू प्रतिसाद मिळू लागला आहे. यंदा २१७८ शेतकऱ्यांनी नूतनीकरण केले असून १९१ शेतकऱ्यांनी नवीन नोंदणी केली आहे. सद्यःस्थितीला २ हजार ३६९ नोंदणी झाली असून सध्या नोंदणीला अपेक्षित गती नसली, तरी पुढील काही दिवसांत प्रतिसाद वाढेल. गत वर्षीच्या तुलनेत यंदा निर्यात वाढीसाठी कृषी विभागाने पुढाकार घेतला आहे..जिल्ह्यातून तासगाव, खानापूर तालुक्यांसह अन्य तालुक्यातून द्राक्षाची निर्यात होते. गेल्या काही वर्षांपासून दुष्काळी असलेला जत तालुकाही द्राक्ष निर्यातीसाठी पुढे आला आहे. त्यामुळे दर वर्षी द्राक्ष निर्यातीची आकडेवारी वाढत असल्याचे चित्र आहे. गत वर्षी द्राक्ष हंगामाच्या प्रारंभापासूनच पाऊस झाला होता. त्यामुळे द्राक्ष उत्पादक शेतकरी संकटात सापडला होता. .नैसर्गिक संकटाचा फटका द्राक्ष निर्यातीवर होईल, असा अंदाज कृषी विभागाने व्यक्त केला होता. मात्र, निर्यातक्षम द्राक्ष बागांची फळ छाटणी ऑक्टोबर महिन्यात होते. त्यामुळे नैसर्गिक आपत्तीचा फारसा परिणाम निर्यातीवर झाला नाही. गत वर्षी सांगली जिल्ह्यातून १० हजार १६५ शेतकऱ्यांनी १७ हजार ८९७ टन द्राक्ष युरोपियन व आखाती देशांकडे निर्यात केली होती..Grape Farming: रोग नियंत्रणाची एकात्मिक रणनिती वाचवेल खर्च.यंदाच्या हंगामातही द्राक्ष पिकावर निसर्गाच्या संकटाचा आघात झाला आहे. त्यामुळे द्राक्षाच्या उत्पादनात अंदाजे ६० ते ७० टक्के घट असल्याचा प्राथमिक अंदाज शेतकऱ्यांनी व्यक्त केला आहे. जिल्ह्यातून युरोपियन देशासह आखाती देशात द्राक्ष निर्यात करण्यासाठी नोंदणी सुरू झाली आहे..Grapes Farming: बदलत्या वातावरणात सावधपणे निर्णय घ्यावेत.नैसर्गिक संकटातही शेतकऱ्यांनी काटेकोर व्यवस्थापन करत द्राक्ष बागा फुलवल्याआहेत. सध्या नोंदणीची गती कमी आहे. तरीही शेतकरी नोंदणीसाठी पुढे येत असल्याचे चित्र आहे..जिल्ह्यातून सद्यःस्थितीला २ हजार ३६९ शेतकऱ्यांनी नोंदणी केली आहे. सर्वाधिक नोंदणी तासगाव तालुक्यातून झाली आहे. गेल्या काही दिवसापासून पोषक वातावरण असल्याने द्राक्ष उत्पादक शेतकऱ्यांना दिलासा मिळाला आहे. गतवर्षीपेक्षा जास्त द्राक्षाची निर्यात करण्यासाठी कृषी विभागाने पुढाकार घेतला आहे. त्यानुसार प्रत्येक तालुक्यातून शेतकऱ्यांची नोंदणी अधिकाधिक कशी वाढेल यादृष्टीने नोंदणीची जनजागृती सुरू केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
