Pune News: राज्यातील कृषी विद्यापीठांतील प्राध्यापक, शिक्षकेतर कर्मचाऱ्यांच्या रिक्त पदांचा दुष्काळ संपण्याची चिन्हे आहेत. या विद्यापीठांचा सुधारित आकृतिबंध मंजूर करण्यात आला असून, आता रिक्त जागांवर प्राध्यापक आणि शिक्षकेतर पदांवर भरती प्रक्रिया लवकरच राबवण्यात येणार असल्याचे संकेत कृषिमंत्री दत्तात्रय भरणे यांनी दिले. .राज्य कृषी शिक्षण आणि संशोधन परिषदेत झालेल्या बैठकीनंतर भरणे यांनी शुक्रवारी पत्रकारांशी संवाद साधला. त्या वेळी ते बोलत होते. राज्यात डॉ. बाळासाहेब सावंत कोकण कृषी विद्यापीठ, महात्मा फुले कृषी विद्यापीठ, डॉ. पंजाबराव देशमुख कृषी विद्यापीठ, डॉ. वसंतराव नाईक मराठवाडा कृषी विद्यापीठ ही विद्यापीठे आहेत..Agriculture University: कृषी विद्यापीठांचा ‘सवता सुभा’.या विद्यापीठांतील प्राध्यापकांच्या सुमारे ४५ टक्के, तर शिक्षकेतर कर्मचाऱ्यांच्या ५० टक्क्यांपेक्षा अधिक जागा रिक्त आहेत. त्याचा परिणाम कृषी, संशोधनावर होत आहे. त्याशिवाय शिक्षकेतर पदेही मोठ्या प्रमाणात रिक्त आहेत. त्याचा परिणाम कामकाजावर होत आहे..Agriculture Universities Development: ‘आकृतिबंधाला लवकरच मंजुरी’ .त्यामुळे विद्यापीठांतील प्राध्यापकांच्या, शिक्षकेतर कर्मचाऱ्यांच्या रिक्त जागा तातडीने भरण्याची मागणी सातत्याने करण्यात येत आहे. या पार्श्वभूमीवर, कृषी विद्यापीठांच्या नव्या आकृतिबंधाला मंजुरी देण्यात आली आहे. त्यामुळे रिक्त जागांवर आता भरती प्रक्रिया राबवण्यात येईल, असे श्री. भरणे यांनी सांगितले..केंद्रीय शिक्षण मंत्रालयाने नुकतीच एनआयआरएफ क्रमवारी जाहीर केली. या क्रमवारीतील कृषी विद्यापीठांच्या गटात राज्यातील एकाही विद्यापीठाला क्रमवारीत स्थान मिळवता आलेले नाही. या पार्श्वभूमीवर राज्यातील कृषी विद्यापीठांचे क्रमवारीतील स्थान उंचावण्याबाबतच्या नियोजनाबाबत विचारले असता श्री. भरणे यांनी ‘या संदर्भात नक्कीच सुधारणा करण्यात येईल’ असे स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
