Lasalgaon APMC : आशिया खंडातील प्रमुख कांदा बाजारपेठ असलेल्या लासलगाव कृषी उत्पन्न बाजार समितीच्या सभापती व उपसभापतीपदाची निवडणूक पुन्हा एकदा लांबणीवर पडली आहे. पणनमंत्री जयकुमार रावल यांनी दिलेल्या अंतरिम आदेशानुसार जिल्हा उपनिबंधकांचा २० जुलैचा आदेश आणि सहायक निबंधकांनी २७ जुलै रोजी काढलेली पदाधिकारी निवडणुकीची नोटीस पुढील सुनावणीपर्यंत स्थगित ठेवण्यात आली आहे. त्यामुळे ६ ऑगस्ट रोजी नियोजित निवडणूक पुढे ढकलण्यात आली..सभापती ज्ञानेश्वर जगताप यांनी आपल्या राजीनाम्यावरील हरकत प्रलंबित असतानाही राजीनामा मंजूर झाल्याचे गृहीत धरून निवडणूक प्रक्रिया सुरू करण्यात आल्याचा दावा करत पणनमंत्र्यांकडे अपील दाखल केले होते..Interview With Suraj Mandhare: नवा आकृतिबंध कृषी विभागाला दिशा देईल.राजीनाम्याच्या वैधतेवर निर्णय न घेता निवडणूक घेतल्यास आपले नुकसान होईल, असा त्यांचा युक्तिवाद होता..Sangli APMC: बाजार समिती सभापतिपदी आनंदराव नलवडे बिनविरोध.या प्रकरणाची प्राथमिक सुनावणी घेतल्यानंतर सविस्तर सुनावणी आवश्यक असल्याचे प्रथमदर्शनी नमूद करून विद्यमान स्थिती कायम ठेवण्याचे आदेश देण्यात आले. या प्रकरणाची पुढील सुनावणी सोमवारी (ता. ११) दुपारी दोन वाजता मंत्रालयात होणार आहे. संबंधित पक्षकारांना सुनावणीस उपस्थित राहण्याचे निर्देश देण्यात आले आहेत..दरम्यान, सभापती-उपसभापतीपदाची निवडणूक दुसऱ्यांदा लांबणीवर पडली आहे. यापूर्वी ११ जुलै रोजी निवडणूक निर्णय अधिकारी तथा निफाडचे सहायक उपनिबंधक कांतीलाल गायकवाड यांच्या प्रकृती अस्वास्थ्यामुळे निवडणूक रद्द करण्यात आली होती. त्यानंतर ६ ऑगस्टची तारीख निश्चित करण्यात आली. मात्र, यावेळी प्रलंबित वादामुळे निवडणूक प्रक्रिया स्थगित झाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
