Nashik News: नाशिक जिल्ह्यातील दहा वाळूघाटांकडे ठेकेदारांनी पाठ फिरवल्याने या घाटांचे फेरलिलाव बोलविण्याची नामुष्की जिल्हा प्रशासनावर ओढावली आहे. या वाळुघाटांसाठी ३१ डिसेंबरपर्यंत ऑनलाइन अर्ज करण्याची मुदत ठेवण्यात आली आहे. पुनर्लिलावाला अपेक्षित प्रतिसाद मिळतो का, याकडे सर्वांचे लक्ष लागले आहे..गेल्या काही वर्षांपासून जिल्ह्यातील वाळूघाट विविध कारणांमुळे वादग्रस्त ठरत आहेत. वाळूची घसरलेली प्रतवारी तसेच दिवसेंदिवस कमी होत जाणारा साठा यामुळे वाळूघाटांना अपेक्षित प्रतिसाद मिळत नसल्याचे चित्र आहे. त्यातच राष्ट्रीय हरित लवादाच्या आदेशानुसार पर्यावरणीय परवानग्यांमध्ये अनेक वाळूघाट बाद ठरत असल्याने प्रशासनाच्या अडचणी वाढल्या आहेत..Sand Auction: अकोला जिल्ह्यात वाळूघाटांच्या ई- लिलावाला पुन्हा मुदतवाढ.या पार्श्वभूमीवर जिल्हा गौण खनिज विभागाने तहसील कार्यालयांच्या सहाय्याने यंदा एकूण ४१ वाळूघाट अंतिम केले होते. मात्र, प्राथमिक छाननीत केवळ २६ वाळूघाटच नियमानुसार पात्र ठरले. हे घाट तांत्रिक मान्यतेसाठी जिल्हास्तरीय समितीकडे पाठविण्यात आले असता त्यापैकी १४ घाटांना मान्यता मिळाली. तथापि, यामधील चार गावांनी विरोध दर्शविल्याने लिलावासाठी अखेर दहा वाळूघाटच शिल्लक राहिले. .Sand Auction: शासन उपलब्ध करून देणार ६०० रुपयांत एक ब्रास वाळू.जिल्हा प्रशासनाने यापूर्वी या दहा वाळूघाटांसाठी ऑनलाइन लिलाव प्रक्रिया राबविली होती. मात्र, प्रशासनाला अपेक्षित असा प्रतिसाद न मिळाल्याने फेरलिलावाची वेळ आली आहे. विशेष म्हणजे, हे लिलाव पुन्हा बोलविताना वाळूघाटांचे ऑफसेट मूल्य कमी करावे लागल्याने प्रशासनाच्या तिजोरीवर परिणाम होणार आहे. त्यानुसार प्रशासनाने पुन्हा लिलाव प्रक्रिया जाहीर केली असून ३१ डिसेंबरपर्यंत ऑनलाइन अर्ज स्वीकारले जाणार आहेत. .१ जानेवारी रोजी ई-निविदा उघडण्यात येणार असून, ५ जानेवारीला ई-लिलाव प्रक्रिया पार पडणार आहे. त्यामुळे फेरलिलावानंतर तरी वाळूघाटांना प्रतिसाद मिळतो का, हे लवकरच स्पष्ट होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
