Sugarcane Price Protest: कोल्हापूर, सांगलीतील ऊस दराचा प्रश्न जवळपास मिटला आहे. पण सोलापुरातील एक-दोन कारखाने वगळता इतरांनी अद्याप दर जाहीर केलेले नाहीत. यामुळे स्वाभिमानी शेतकरी संघटनेचे संस्थापक राजू शेट्टी (Raju Shetti) आक्रमक झाले आहेत. दोन दिवसांत दर जाहीर करा; अन्यथा कारखाने बंद पाडू, अशा इशारा त्यांनी आज शुक्रवारी सोलापुरात बोलताना दिला. .''जवळपास एक महिना होऊन गेला. सोलापूर जिल्ह्यातील कारखाने अजूनही तोंड उघडायला तयार नाहीत. जिल्ह्याधिकाऱ्यांच्या आवाहनानुसार, आम्ही ३० तारखेपर्यंत वाट बघितली. पण कारखाने काहीच बोलायला तयार नाहीत. म्हणून दोन दिवस आम्ही वाट बघू, अन्यथा एक एक कारखान्यांची गव्हाणी बंद पाडल्याशिवाय आम्ही गप्प बसणार नाही,'' अशा शब्दांत त्यांनी कारखानदारांना सुनावले आहे..येथील एक-दोन कारखान्यांनी दर जाहीर केले आहेत. तोही एफआरपीपेक्षा कमी आहे. त्यात येथील कारखाने काटामारी आणि उतारा चोरी करत असल्याचा स्वाभिमानीचा आरोप आहे. यंदा सोलापूर जिल्ह्यातील ३५ कारखान्यांनी गाळप हंगाम सुरु केला आहे. ऊस गाळप हंगाम सुरू होऊन एक महिना उलटला तरी येथील दराचा प्रश्न सुटलेला नाही. यावरुन शेतकरी संघटना आक्रमक झाल्या आहेत..Sugarcane Farming: समाधानकारक पावसामुळे दुष्काळी पट्ट्यातही ऊस लागवड.सोलापूर जिल्हाधिकाऱ्यांनी कारखान्यांना ऊस दर जाहीर करण्यासाठी ३० नोव्हेंबरची मुदत दिली होती. पण ही मुदत संपली तरी काही कारखाने वगळता बहुतांश कारखांन्यांनी दर जाहीर केलेले नाहीत. .Sugarcane Farming: सुरु ऊस लागवडीचे तंत्र.काटामारी आणि उतारा चोरी कारखाने मोठ्या प्रमाणात करत आहेत. राज्य सरकारने याबाबत तातडीने स्वाभिमानीने मागणी केल्याप्रमाणे उपाययोजना करून ऊस उत्पादक शेतकऱ्यांची होत असलेली लूट थांबवावी, अशी मागणी राजू शेट्टी यांनी केली आहे. .कोल्हापुरातील कारखान्यांनी यंदाच्या हंगामात प्रतिटन ३,६०० रुपयांपर्यंत दर जाहीर केले आहेत. येथे गाळप हंगाम वेगाने सुरु आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
