Raju Shetti On CM Devendra Fadnavis : अतिवृष्टी, पुरामुळे पीक नष्ट झालेले आहे. हा ओला दुष्काळ नाही तर काय आहे?, असा संतप्त सवाल स्वाभिमानी शेतकरी संघटनेचे संस्थापक राजू शेट्टी यांनी सरकारला केला. त्यांनी आज धाराशिव जिल्ह्यात अतिवृष्टीने झालेल्या नुकसानाची पाहणी केली. त्यानंतर त्यांनी पत्रकाराशी संवाद साधला. सरकारने शेतकरी हितासाठी काय केले? हे सांगावे, असे म्हणत त्यांनी सरकारच्या भूमिकेवर नाराजी व्यक्त केली. .स्वतः मुख्यमंत्री जेव्हा विरोधी पक्षनेते होते; तेव्हा वारंवार सरकारला पत्र लिहून ओला दुष्काळ जाहीर करा, अशी मागणी करत होते. आता ते म्हणतात की ओला दुष्काळ ही संज्ञाच नाही. मग दुष्काळाची व्याख्या काय? जेव्हा पीक हातात येत नाही; त्याला दुष्काळ म्हणायचे. पावसाने, पुराने पीक गेलंय. म्हणजेच हा दुष्काळ आहे. कोरड्या दुष्काळापेक्षा ओला दुष्काळ नुकसीनाचा असतो. कोरड्या दुष्काळात अजिबाच पाऊस पडत नाही. यामुळे पेरणी करता येत नाही. किमान शेतकऱ्याचा खर्च तरी वाचतो. पेरणी झाल्यानंतर पाऊस लांबतो आणि पीक करपून जातं. त्यात बियाण्यांचा खर्च शेतकऱ्याचा होतो. आता ओल्या दुष्काळात पीक कापणीला आल्यानंतर ते नष्ट झालेले आहे. कुजलेले पीक काढायला कापणीपेक्षा अधिक खर्च होणार आहे. त्यासाठी शेतकऱ्याचा १०० टक्के खर्च होईल. पण उत्पन्न मात्र शुन्य, अशी परिस्थिती आहे, असे शेट्टी यांनी सरकारच्या निर्दशनास आणून दिले..Farmer Karjmafi: ओला दुष्काळ, पिक विमा, अतिवृष्टी मदतीसाठी सरकार दिरंगाई करत आहे?.'शेतकऱ्यांनी आत्महत्येच्या दिशेने जावू नये'जोपर्यंत शेतकऱ्यांचा सात-बारा कोरा होत नाही तोपर्यंत आम्ही स्वस्त बसणार नाही, अशा इशारा त्यांनी दिला आहे. शेतकऱ्यांनी आत्महत्येच्या दिशेने जावू नये, सगळे एकत्र मिळून लढा उभा करू, अशा विश्वास त्यांनी व्यक्त केला. त्यांनी भूममधील शेतकरी पुत्राच्या बेमुदत उपोषणस्थळीही भेट दिली. .Devendra Fadanvis: अतिवृष्टी बाधित शेतकऱ्यांना ई-केवायसी शिथिल करून फार्मर आयडी आवश्यक.१५ रूपये कपातीच्या निर्णयाला विरोध, उद्यापासून ऊस पट्ट्यात आंदोलन मुख्यमंत्री सहाय्यता निधीसाठी प्रतिटन ५ रुपयांऐवजी १५ रुपये कपात करण्याच्या निर्णयाला राजू शेट्टी यांनी जोरदार विरोध दर्शवला आहे. १५ रूपये कपातीबाबत राज्यात सर्वत्र शासनाच्या या निर्णयाचा निषेध म्हणून राज्यभर ऊस पट्ट्यात या निर्णयाची होळी करणार असल्याचे शेट्टी यांनी म्हटले आहे. त्यासाठी ५ ॲाक्टोबर रोजी सकाळी ९ वाजता लातूर येथे या निर्णयाची होळी करून आंदोलनास सुरुवात करणार असल्याचे त्यांनी नमूद केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
