Raj Thackeray Acquitted In 2008 Railway Exam Assault Case: २००८ मधील रेल्वे भरती आंदोलन प्रकरणात मनसे अध्यक्ष राज ठाकरे यांची पुराव्याअभावी निर्दोष मुक्तता करण्यात आली आहे. तब्बल १८ वर्षांनंतर हा निकाल ठाणे मुख्य न्यायदंडाधिकारी न्यायालयाने गुरुवारी (दि.२१ मे) दिला. यामुळे राज ठाकरे यांना मोठा दिलासा मिळाला आहे. .२००८ मध्ये कल्याण स्थानकावर मनसेने मोठे आंदोलन केले होते. त्यावेळी परप्रांतीय उमेदवारांना मनसेच्या कार्यकर्त्यांनी मारहाण केल्याचा आरोप होता. तसेच रेल्वेचे नुकसान केल्याचाही त्यांच्यावर आरोप होता. राज ठाकरे यांनी मनसैनिकांना भडकावणारे आवाहन केल्याचा दावा याचिकेत केला होता. पण न्यायालयाने ठोस पुराव्याअभावी त्यांची निर्दोष मुक्तता केली. ठाकरे यांच्यासह मनसे कार्यकर्त्यांनाही या प्रकरणातून निर्दोष मुक्त करण्यात आले आहे..Raj Thackeray: तुमच्या चुकांचा, भुर्दंड जनतेला का? राज ठाकरे यांचा पंतप्रधानांना सवाल.स्वतः राज ठाकरे आज न्यायालयात सुनावणीसाठी हजर राहिले. रेल्वे भरतीमध्ये स्थानिकांना प्राधान्य द्या. परप्रांतीयांची भरती करु नका, अशी भूमिका मनसेची घेतली होती. यासाठी २००८ मध्ये मनसेने तीव्र आंदोलन केले होते. यावेळी परप्रांतीयांना मारहाण केल्याचा आरोप ठेवण्यात आला होता. या प्रकरणी आज सुनावणी पार पडल्यानंतर राज ठाकरेंना निर्दोष ठरवण्यात आले. .Farmer Advice: शेतकऱ्यांनो जमीन विकू नका, उद्योगांत भागीदारी मागा; राज ठाकरे .'सरकारी पक्षाला पुरावा देता आला नाही'''मनसेच्या कार्यकर्त्यांवर विद्यार्थ्यांना प्रत्यक्ष मारहाण केल्याचा आरोप होता. सरकार पक्षाकडून जो पुरावा दाखल केला; त्यावेळी आरोपी क्रमांक १ ते ७ प्रत्यक्ष त्यावेळी तिथे हजर होते किंवा त्यांनी कोणालाही मारहाण केली किंवा ते मनसेचे कार्यकर्ते होते, यातील काही सरकारी पक्षाला सिद्ध करता आले नाही. प्ररप्रांतीय विद्याथी परीक्षेला आले होते, याचाही पुरावा सरकारी पक्षाला देता आलेला नाही,'' असे वकिलांनी न्यायालयाबाहेर बोलताना सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
