Pune News: अतिवृष्टी आणि नैसर्गिक आपत्तीमुळे द्राक्ष बागांचे मोठे नुकसान झाल्याने बेदाणा उत्पादन आणि निर्यातीत मोठी घट झाली असल्याचा मुद्दा समाधान अवताडे, रोहित पवार यांच्यासह इतर आमदारांनी विधानसभेत आज (ता.२७) उपस्थित केला. पणनमंत्री जयकुमार रावल यांनी चालू वर्षात बेदाणा निर्यात ८१ टक्क्यांनी घटल्याचे सभागृहात सांगितले. उत्पादन घटल्यामुळे शेतकऱ्यांचे मोठे आर्थिक नुकसान झाले असून मदत व उपाययोजनांसाठी सरकार प्रयत्नशील असल्याचे त्यांनी स्पष्ट केले..निर्यातीत तब्बल ८१ टक्यांची घट…मंत्री रावल यांनी सभागृहात सांगितले की, २०२५-२०२६ आर्थिक वर्षात नोव्हेंबर २०२५ पर्यंत बेदाण्याची निर्यात मागील वर्षाच्या ४२ हजार ७१६ टनांवरून केवळ ७ हजार ९२४ टनांपर्यंत खाली आली आहे. यामुळे निर्यातीत तब्बल ८१.४५ टक्के घट झाली आहे. राज्यात दरवर्षी सुमारे २ लाख ५० हजार टन बेदाणा उत्पादन होत असताना यंदा ते फक्त १ लाख ५० हजार टनांवर आले आहे. .Raisin Export: आठ महिन्यांत बेदाण्याची सहा हजार टन निर्यात.द्राक्ष बागांना अतिवृष्टीचा सर्वाधिक फटका…आमदारांनी पुढे बोलताना सांगितले, सांगली जिल्ह्यासह राज्यातील द्राक्ष उत्पादक भागांना अतिवृष्टीचा सर्वाधिक फटका बसला. ऑगस्ट २०२५ मध्ये २.१७ हेक्टर क्षेत्रावरील द्राक्ष बागांचे नुकसान झाले, तर सप्टेंबर २०२५ मध्ये २० हजार ६२५ हेक्टर क्षेत्रावरील बागा पूर्णपणे बाधित झाल्या. या नुकसानीचे पंचनामे करण्यात आले असून, अहवाल शासनाकडे सादर केला गेला आहे. यामुळे अनेक शेतकऱ्यांनी द्राक्ष बागा काढून टाकल्या असून, भविष्यात बेदाणा उत्पादन आणि निर्यातीवर याचा दीर्घकालीन विपरीत परिणाम होण्याची भीती आहे..Raisin Export : ‘सल्फर’ बनले बेदाणा निर्यातीमधील अडथळा.उत्पादन वाढीसाठी उपाययोजना करू - मंत्री रावल पुढे बोलताना मंत्री रावल यांनी स्पष्ट केले की, या प्रकरणाची चौकशी झाली असून, बेदाणा उत्पादन वाढवण्यासाठी आवश्यक उपाययोजना सुरू आहेत. अतिवृष्टीमुळे झालेल्या नुकसानीबाबत शेतकऱ्यांना मदत देण्याच्या दिशेने सरकार प्रयत्नशील आहे. .सरकारने नुकसान भरपाई, नवीन लागवडीस प्रोत्साहन, निर्यात वाढवण्यासाठी योजना आणि द्राक्ष बागांच्या संरक्षणासाठी ठोस पावले उचलणे गरजेचे असल्याच बोललं जात आहे. येत्या काळात या क्षेत्राला पुन्हा स्थिर करण्यासाठी राज्य आणि केंद्र सरकारकडून अधिक अपेक्षा व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
