Potato Farming Challenges: आंबेगाव तालुक्यातील सातगाव पठार परिसरात खरीप हंगामात लागवड केलेले बटाटा पीक पावसाअभावी धोक्यात आले आहे. कडक ऊन पडत असल्याने खडकाळ माळरानावरील पीक सुकू लागले आहे. त्यामुळे ऐन बटाटे फुगवणीच्या अवस्थेत पाऊस पडत नसल्याने शेतकऱ्यांच्या चिंतेत भर पडली आहे. .आंबेगाव तालुक्यात खरीप हंगामात सर्वाधिक बटाट्याची लागवड सातगाव पठार परिसरात केली जाते. हा परिसर बटाट्याचे आगार म्हणून प्रसिद्ध आहे. या हंगामात जुलै महिन्यात जवळपास तीन ते चार हजार एकर क्षेत्रात शेतकऱ्यांनी बटाटा लागवड केली. लागवडीनंतर वेळेवर पाऊस झाल्याने बटाटा पीक जोमदार होते..Potato Farming Losses: खर्च ५८ हजार अन् उत्पन्न अवघे २७ हजार.फुलोराही चांगला आला होता. परंतु ऑगस्ट महिन्याच्या दुसऱ्या आठवड्यापासून या भागात कडक ऊन पडत आहे. त्यामुळे पेठ, पारगाव, कोल्हारवाडी, कुरवंडी, थुगाव, भावडी, कारेगाव आदी गावातील खडकाळ माळरानावरील बटाटा पीक सुकत आहे..Sweet Potato Farming : रताळ्यासह भाजीपाल्यामध्ये प्रसिद्ध लाडखेड.सध्या बटाटा पीक फुगवणीच्या अवस्थेत आहे. पिकांवर किडीचाही प्रादुर्भाव होऊ लागला आहे. पावसाची अशीच परिस्थिती राहिल्यास उत्पादनात घट होण्याची शक्यता आहे, असे कुरवंडी येथील शेतकरी नारायण तोत्रे आणि प्रवीण तोत्रे यांनी संगितले..दहा ते बारा वर्षांपूर्वी या भागात नऊ ते दहा हजार एकर क्षेत्रात बटाटा लागवड केली जात होती. दरवर्षी निसर्गाच्या लहरीपणामुळे अपेक्षित बटाटा उत्पादन मिळत नाही. उत्पादित बटाटा पिकाला मिळणारा सतत कमी बाजारभाव तसेच खर्च आणि उत्पादन यात ताळमेळ बसत नाही. त्यामुळे दिवसेंदिवस बटाटा लागवड क्षेत्रात घट होत चालली आहे.राम तोडकर शेतकरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
