Kharip Perani in Sangali: कवठेमहांकाळ तालुक्याच्या घाटमाथ्यासह संपूर्ण तालुक्यात यंदाच्या खरीप हंगामातील पेरण्यांना वेग आला असून, उपलब्ध ओलाव्यावर आतापर्यंत सुमारे ७० टक्के पेरण्या पूर्ण झाल्या आहेत. मात्र, पेरणीसाठी आवश्यक असा समाधानकारक पाऊस अद्याप झालेला नसल्याने शेतकरी दमदार पावसाच्या प्रतीक्षेत आहेत. .येत्या काही दिवसांत चांगला पाऊस झाल्यास उर्वरित पेरण्या पूर्ण होतील, असा अंदाज व्यक्त केला जात आहे. जूनच्या सुरुवातीला पावसाने दडी मारल्याने तालुक्यात खरीप पेरण्या रखडल्या होत्या. गेल्या आठवड्यात झालेल्या मध्यम स्वरुपाच्या पावसानंतर शेतकऱ्यांनी पेरणीच्या कामाला गती दिली आहे..Kharif Sowing: विदर्भात पावसाअभावी पेरण्या रखडल्या.तालुक्यात खरीप हंगामाचे २१ हजार ३७४ हेक्टर पेरणी क्षेत्र असून, त्यापैकी आतापर्यंत १५ हजार ४६ हेक्टर क्षेत्रावर पेरण्या पूर्ण झाल्या आहेत. यामध्ये मका हे प्रमुख पीक असून ८ हजार ३९७ हेक्टर क्षेत्रावर त्याची लागवड झाली आहे. त्याखालोखाल बाजरी ४ हजार १०६ हेक्टर, उडीद ९९६ हेक्टर, भुईमूग ७२७ हेक्टर, खरीप ज्वारी १७२ हेक्टर, मूग ८० हेक्टर, तूर ४२ हेक्टर आणि सोयाबीन १७ हेक्टर क्षेत्रावर पेरणी झाली आहे..Kharif Sowing Delayed: पावसाच्या खंडामुळे खरिपाच्या पेरण्यांना ‘ब्रेक’.सध्या तालुक्यात ढगाळ वातावरण असून काही भागांत मध्यम, तर काही ठिकाणी तुरळक पाऊस झाला आहे. घाटमाथ्यावरील घाटनांद्रे, जाखापूर, कुंडलापूर, तिसंगी, वाघोली, गर्जेवाडी आणि कुची परिसरात झालेल्या पावसामुळे पेरणीच्या कामाला वेग आला आहे. पावसाने सातत्य राखले नसल्याने पिकांची उगवण आणि वाढ याबाबत शेतकरी साशंक आहेत..विहिरी, बंधारे आणि तलावांमध्ये पुरेसा पाणीसाठा होण्यासाठी दमदार पावसाची आवश्यकता असल्याने घाटमाथ्यासह तालुक्यातील शेतकरी मोठ्या पावसाची आतुरतेने वाट पाहत आहेत. समाधानकारक पाऊस झाल्यास शेतीसह चारा आणि पिण्याच्या पाण्याच्या समस्याही मोठ्या प्रमाणात कमी होण्यास मदत होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
