Pune News: देशातील महत्त्वाच्या राज्यांमध्ये ऊस पिकाला पावसाचा फटका बसला आहे. परिणामी साखर उत्पादन आधीच्या अंदाजापेक्षा कमीच राहण्याची शक्यता आहे. तसेच देशांतर्गत बाजारपेठेत साखरेचे दर चढे राहण्याचा अंदाज आणि आंतरराष्ट्रीय बाजारातील कमी भावपातळी यामुळे साखर निर्यातीचा निम्माही कोटा पूर्ण होण्याची चिन्हे नाहीत, असे वृत्त राॅयटर्स या वृत्तसंस्थेने दिले आहे..देशात यंदा ३०९ लाख टन साखर उत्पादनाचा अंदाज इस्मा या संस्थेने दिलेला आहे. मात्र, देशातील मोठ्या पाच व्यापारी संस्थांनी साखर उत्पादन २८५ ते २९० लाख टनांच्या दरम्यान राहील, असा अंदाज दिल्याचे राॅयटर्सने म्हटले आहे. देशातील महत्त्वाच्या राज्यांमध्ये यंदा उसाचे उत्पादन कमी झाले आहे. महाराष्ट्र, कर्नाटक, उत्तर प्रदेश आणि गुजरात राज्यातही उत्पादनही कमी झाले आहे..Sangli Sugar Production: सांगलीत साखर उत्पादन महिनाअखेरीस होणार बंद.उत्पादनात आघाडीवर असलेल्या महाराष्ट्रात सर्वाधिक घट येण्याची शक्यता आहे. महाराष्ट्रातील उत्पादन ९६ लाख टनांवर स्थिरावण्याचा अंदाज आहे. यापूर्वी १०८ लाख टन उत्पादनाचा अंदाज होता. महाराष्ट्रात आतापर्यंत ९० लाख टन साखरेचे उत्पादन झाले आहे. मात्र, यंदा ऊस टंचाईमुळे गाळप सुरू केलेल्या २०७ साखर कारखान्यांपैकी निम्म्या कारखान्यांचा गाळप हंगाम आटोपला आहे, असे राज्य सरकारच्या एका वरिष्ठ सरकारी अधिकाऱ्याने सांगितले..Sugar Production: राज्यात ८० लाख टन साखर उत्पादन.केंद्र सरकारने साखर हंगाम २०२५-२६ मध्ये २० लाख टन साखर निर्यातीचा कोटा दिलेला आहे. पण देशात सध्या आंतरराष्ट्रीय बाजारापेक्षा भाव चांगले आहेत. साखर उत्पादन घटण्याचा अंदाज आणि पुढील महिन्यापासून उन्हाळ्यामुळे साखरेला असणारी वाढती मागणी यामुळे यामुळे साखरेच्या भावाला आणखी आधार मिळेल. त्यामुळे निर्यातीकडे ओढा कमी असेल. परिणामी चालू हंगामातील साखर निर्यात सात लाख टनांवरच स्थिरावण्याची शक्यता आहे, असे एका निर्यातदाराने सांगितले..अतिवृष्टीचा फटकामहाराष्ट्र आणि शेजारच्या कर्नाटकातील शेतकऱ्यांनी ऊस पिकाला अतिवृष्टीचा फटका बसल्याचे सांगितले. अतिवृष्टीमुळे मुळांची वाढ खुंटली आणि ऊस लवकर पक्व झाल्याचे कोल्हापूर जिल्ह्यातील शेतकऱ्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
