Ahilyanagar News : जिल्ह्यातील अकोले तालुक्याच्या पश्चिम भागात पावसाचे प्रमाण सतत कमी-जास्त होत आहे. त्यामुळे पाण्याच्या आवकेवर धरणातून पाण्याचा विसर्ग केला जात आहे. सध्या भंडारदरा, निळवंडे, मुळा धरणातून विसर्ग सुरू आहे. .अहिल्यानगर जिल्ह्यातील अकोले तालुक्याच्या पश्चिम भागातील पावसावर दक्षिणेतील भंडारदरा, निळवंडे, मुळा, भोजापूर, आढळा ही प्रमुख धरणे अवलंबून असतात. यंदा चांगल्या पावसामुळे हे धरणे लवकर भरली. .Nashik Water Storage : नाशिक जिल्ह्यात धरणसाठा ९४ टक्क्यांवर.सध्या भंडारदरा, निळवंडे, आढळा, दक्षिणेतील सीना, खैरी, घाटशीळ पारगाव धरणात क्षमतेच्या शंभर टक्के तर मुळा धरणात ९९.११ टक्के पाणीसाठा आहे. याशिवाय मांडओहळ धरणात ९२.०४, टक्के, विसापुर धरणात ९८.३४ टक्के पाणीसाठा आहे. अकोले तालुक्यात पाऊस कमी-जास्त होत आहे. .त्यामुळे धरणातील विसर्गही कमी-जास्त केला जात आहे. शुक्रवारी (ता. ६) पाऊस कमी होता त्यामुळे गुरुवारी (ता. ५) केला जाणारा विसर्ग दुसऱ्या दिवशी कमी केला. दुपारी भंडारदरा धरणातून ५४३८ क्युसेक, निळवंडे धरणातून ३२८८ क्युकेस, ओझर बंधाऱ्यातून ३ हजार ३४६ क्युसेक तर मुळा धरणातून ३००० क्युसेकने विसर्ग सुरू आहे..Water Storage : सिंधुदुर्ग जिल्ह्यातील २३ प्रकल्प पूर्ण भरले.घाटशीळ पारगाव ‘ओव्हर फ्लो’अहिल्यानगर जिल्ह्यातील दुष्काळी भागात असलेल्या ४३७ दशलक्ष घनफूट क्षमतेच्या घाटशीळ पारगाव धरणात आता शंभर टक्के पाणीसाठा झाला आहे. खरे तर पाथर्डी तालुक्याच्या दुष्काळी पट्ट्यात कमी पाऊस असतो. त्यामुळे जिल्ह्यातील अन्य धरणे भरली तरी घाटशीळ पारगाव धरण कोरडेच असते. .यंदा मागील आठवड्यापर्यंत धरणात अल्प पाणीसाठा होता. मात्र नुकताच पाथर्डी, शेवगाव तालुक्यात अतिवृष्टी झाली. त्यामुळे कोरडे असलेले हे धरण ओव्हरफ्लो झाले असून पाथर्डी आणि शिरुर कासार (जि. बीड) तालुक्यातील काही गावांना यामुळे दिलासा मिळाला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
