Sangli News : जिल्ह्यात बुधवारपासून (ता. २०) पावसाचा जोर मंदावला असून गुरुवारी (ता. २१) सकाळपासून पावसाने उघडीप दिली आहे. तसेच वारणा धरण पाणलोट क्षेत्रात पाऊस कमी झाला असल्याने वारणा धरणातून पाण्याचा विसर्ग कमी करण्यात आला आहे. परंतु वारणा आणि कृष्णा नदीची पाण्याची पातळी हळूहळू वाढत असल्याचे चित्र आहे. .सांगली येथील आयर्विन पुलाजवळ गुरुवारी (ता. २१) कृष्णेची पाणी पातळी ४२.९ फुटांपर्यंत पोहोचली आहे. धरण पाणलोट क्षेत्रात पावसाने उसंत घेतल्याने कृष्णा आणि वारणा नदीकाठच्या लोकांना काहीसा दिलासा मिळाला असला तरी शेती पाण्याखालीच आहे..Rain Crop Damage : अमरावती विभागात ३ लाख हेक्टरला फटका .जिल्ह्यात दोन ते तीन दिवस पावसाने हजेरी लावली. वारणा आणि कोयना धरण पाणलोट क्षेत्रात अतिवृष्टी झाली. त्यामुळे वारणा, कोयना धरणाची पाणीपातळी झपाट्याने वाढत असल्याने विसर्गही वाढवण्यात आला होता. त्यामुळे वारणा, कृष्णा नदीच्या पाण्याच्या पातळीत वाढ झाली होती. त्यामुळे पुराने नदीकाठ धास्तावला होता. .नदीकाठच्या गावातील लोकांनी स्थलांतरही सुरू केले होते. सांगलीतील आयर्विन पुलाजवळ इशारा पातळी ४० फूट असून बुधवारी रात्रीच नदीने इशारा पातळी पार केली होती. पुरामुळे जिल्ह्यातील ५ राज्य मार्ग तर प्रमुख १५ जिल्हा मार्ग असे एकूण २२ मार्ग बंद आहेत..Pune Heavy Rain: पश्चिम भागात घाटमाथ्यावर पाऊस सुरूच.बुधवारी दुपानंतर धरण पाणलोट क्षेत्रासह अन्य तालुक्यातील पावसाचा जोर कमी झाला. त्यामुळे वारणा धरणातून पाण्याचा विसर्ग हळू हळू कमी करण्यात आला. गुरुवारी (ता. २१) सकाळी वारणा धरणाच्या वक्रद्वारातून १३७३९ क्युसेक असणारा कमी करून तो ५६८१ क्युसेक करण्यात आला आहे. विद्युतगृहातून १६३० क्युसेकने विसर्ग सुरू आहे..‘अलमट्टी’तून अडीच लाख क्युसेक विसर्गधरण क्षेत्रात दोन दिवस अतिवृष्टी होत असल्याने दोन दिवसांपासून विसर्ग वाढविण्यात आला होता. सध्या अलमट्टी धरणात १ लाख ७१ हजार ७५६ क्युसेकने पाण्याची आवक होत असून धरणातून अडीच लाख क्युसेकने विसर्ग सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
