Rain Update 2026 : सोलापूर पावसाळ्याचे दोन महिने उलटूनही सोलापूर जिल्ह्यात सर्वदूर पावसाची प्रतीक्षा कायम आहे. तापमानात शुक्रवारच्या तुलनेत आज (शनिवारी) २.१ अंशांनी वाढ झाली. दुपारच्या सुमारास जाणवलेल्या उन्हाच्या चटक्याने उन्हाळ्याची आठवण करून दिली. पावसाचा अभाव आणि त्यातच वाढलेले तापमान यामुळे जिल्ह्यातील पावसाची चिंता आणखी गडद झाली आहे. एका मागून एक अनेक नक्षत्र कोरडीच चालली आहेत. जिल्ह्यात टंचाईच्या झळा दिवसेंदिवस गडद होऊ लागल्या आहेत..शुक्रवारी सोलापुरात ३०.८ अंश सेल्सिअस कमाल तापमानाची नोंद झाली होती. आज ३२.९ अंश सेल्सिअस एवढ्या कमाल तापमानाची नोंद झाली आहे. गेल्या आठवड्यात सोलापूरच्या तापमानाचा पारा ३० अंश सेल्सिअसच्या दरम्यान होता. .Weekly Weather: उघडिपीसह हलक्या ते मध्यम पावसाची शक्यता.ढगाळ वातावरण, हालक्या स्वरूपाचा पाऊस आणि घटलेले तापमान यामुळे पावसाळी वातावरणाचा अनुभव येत होता. आज वाढलेल्या तापमानाने उन्हाळ्याची आठवण करून दिली आहे..Ujani Dam Water Level: पुण्यातील पावसाने उजनी धरणात आले एक टीएमसी पाणी.सोलापूर शहर व परिसराच्या कमाल तापमानात १४ ऑगस्टपर्यंत वाढ होईल, असा अंदाज हवामान विभागाने दिला आहे. या कालावधीत कमाल तापमानाचा पारा ३२ ते ३३ अंश सेल्सिअसच्या दरम्यान राहणार असल्याचा अंदाज वर्तविण्यात आला आहे. सध्या सुरू असलेल्या आश्लेषा नक्षत्रातील पावसानेही निराशा केली आहे. आता १७ ऑगस्टला सूर्याचा मघा नक्षत्रात प्रवेश होत आहे. या नक्षत्रातही फारसा पाऊस पडत नसल्याचा आजपर्यंतचा अनुभव आहे..सरासरी ३५ अंश सेल्सिअसऑगस्ट महिन्यात सोलापूर शहर व परिसरात सरासरी ३५ अंश सेल्सिअस कमाल तापमान राहात असल्याचा आजपर्यंतचा अनुभव आहे. ऑगस्टमधील सर्वाधिक ४० अंश सेल्सिअस कमाल तापमानाची नोंद १० ऑगस्ट १९६५ ला झालेली आहे. हा विक्रम आजही कायम आहे. या वर्षी जून, जुलै आणि आतापर्यंतच्या ऑगस्ट महिन्यात कमी पाऊस झाल्याने यंदा तापमानाची तीव्रता अधिक जाणवू लागली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
