Pune News: पुणे जिल्ह्यात घाटमाथ्यावर मुसळधार पाऊस कोसळल्यानंतर आता पावसाचा जोर काहीसा ओसरला आहे. अजूनही या भागांत काही ठिकाणी मध्यम ते जोरदार स्वरूपाचा पाऊस बरसत आहे. गुरुवारी (ता. २१) सकाळी आठपर्यंत मुळशी धरणक्षेत्रात १७५ मिलिमीटर पाऊस पडला असून धरणात अजूनही वेगाने पाण्याची आवक सुरू आहे. त्यामुळे जिल्ह्यातील २२ धरणांतून विसर्ग सुरू असून नद्या अजूनही ओसंडून वाहत आहेत. पश्चिम भागात घाटमाथ्यावर अद्याप पाऊस सुरूच आहे. .गेले दोन ते तीन दिवस जिल्ह्याच्या पश्चिम भागात धोधो पाऊस पडला. या पावसामुळे धबधबे ओसंडून वाहत होते. तर ओढे, नाले आणि नद्यांच्या पाणी पातळीत चांगली वाढ झाली होती. त्यामुळे धरणांत मागील दोन ते तीन दिवसांत ५० ते ६० टीएमसी एवढ्या पाण्याची आवक झाली आहे. अनेक धरणांतून पाण्याच्या विसर्गात वाढ करण्यात आली होती. त्यामुळे जिल्ह्यातील सर्वच नद्या दुथडी भरून वाहू लागल्या होत्या..Maharashtra Rain: कोकण, घाटमाथ्यावर जोरदार पावसाची शक्यता.गुरुवारी सकाळी आठपर्यंतच्या चोवीस तासांमध्ये जिल्ह्यातील एकूण २६ धरणांत सुमारे २८.७४ टीएमसी एवढ्या पाण्याची आवक झाली. त्यामुळे जिल्ह्यातील धरणांत १९८.३४ पैकी १८९.४६ टीएमसी एवढा पाणीसाठा झाला आहे. सध्या धरणे सरासरी ९५ टक्के भरली आहेत. यामध्ये सात धरणे शंभर टक्के भरली असून उर्वरित धरणांमध्ये ९० टक्क्यांहून अधिक पाणीसाठा झाला आहे. परंतु पूर्व भागात असलेल्या उजनी, घोड, विसापूर, वीर, शेटफळ, नाझरे या धरणक्षेत्रात पावसाचा जोर नसला तरी ढगाळ वातावरणाची स्थिती कायम आहे. अधूनमधून काही वेळ शिडकावा होत आहे..Maharashtra Rain Alert: मराठवाडा, विदर्भात उघडीप राहणार; कोकण, घाटमाथ्यावर जोरदार पावसाची शक्यता.घाटमाथ्यावर जोरदार पाऊसपश्चिम भागातील घाटमाथ्यावर अद्याप पाऊस सुरूच आहे. लोणावळा घाटमाथ्यावर सर्वाधिक १३३ मिलिमीटर पाऊस पडला. तर कुंडली घाटमाथ्यावर १२९, वळवण १२६, ठोकरवाडी ९१, शिरोटा २३ मिलिमीटर पाऊस पडला. त्यामुळे मुळशी येथील टाटांच्या धरणात १.७४ टीएमसी एवढ्या पाण्याची नव्याने आवक झाली आहे..धरणक्षेत्रनिहाय झालेला पाऊस, मिलिमीटरमध्येमुळशी १७५, टेमघर १०१, वरसगाव ७४, पानशेत ६४, खडकवासला १६, पवना ८६, कासारसाई ३५, चासकमान २९, भामा आसखेड ३४, आंध्रा ५१, वडीवळे ९६, गुंजवणी ९३, भाटघर १२, नीरा देवघर ४३, पिंपळगाव जोगे २९, माणिकडोह १५, येडगाव १७, वडज २६, डिंभे ३१, चिल्हेवाडी २६.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
