Kharif Season: पुणे विभागातील अहिल्यानगर, पुणे आणि सोलापूर जिल्ह्यांत पावसाचा खंड पडल्याने खरीप पिकांच्या वाढीवर प्रतिकूल परिणाम झाला आहे. विशेषतः सोलापूर जिल्ह्यात सोयाबीन, मका, बाजरी आणि तूर पिकांची वाढ खुंटली असून, काही ठिकाणी पिके सुकण्याच्या स्थितीत आहेत. .पावसाच्या ताणामुळे मूग व उडदाच्या उत्पादनातही घट होण्याची शक्यता आहे. अहिल्यानगर जिल्ह्यातील काही तालुक्यांत टंचाईसदृश परिस्थिती निर्माण झाली असून, शेतकरी मोठ्या पावसाच्या प्रतीक्षेत आहेत..Rainfall Deficit: सोयाबीन सलाइनवर; कपाशीची वाढ खुंटली.पुणे विभागात खरीप हंगामातील सरासरी १२ लाख ५६ हजार ४३९ हेक्टर क्षेत्रापैकी १२ लाख ७३ हजार ६३६ हेक्टरवर, म्हणजेच १०१ टक्के पेरणी पूर्ण झाली आहे. मात्र, पेरणीनंतर पावसाचा खंड पडल्याने काही भागांत पिकांची वाढ खुंटली आहे..अहिल्यानगरमध्ये पावसाची गरजअहिल्यानगर जिल्ह्यात भाताची १८ हजार २०३ हेक्टर क्षेत्रावर पुनर्लागवड झाली असून, पीक वाढीच्या अवस्थेत आहे. सध्या भाताला पावसाची आवश्यकता आहे. ज्वारीची वाढ पावसाच्या खंडामुळे खुंटली आहे. बाजरी पोटरी, फुलोरा तसेच काही भागांत कणसे लागण्याच्या अवस्थेत आहे. नाचणी वाढीच्या व फुटवे फुटण्याच्या अवस्थेत असून, मका कणसे लागण्याच्या अवस्थेत आहे. तूर वाढीच्या व फांद्या फुटण्याच्या अवस्थेत आहे..मूग व उडदाचे पीक पक्वतेच्या अवस्थेत असून, पावसाच्या खंडामुळे शेंगांतील दाणे कमी प्रमाणात भरले आहेत. भुईमूग वाढीच्या व फुलोरा अवस्थेत आहे. सोयाबीन फुलोरा व शेंगा लागण्याच्या अवस्थेत, तर कापूस फुलोरा व बोंडे लागण्याच्या अवस्थेत आहे. पावसाच्या खंडामुळे मका, सोयाबीन, मूग व उडदाच्या वाढीवर परिणाम झाला असून, उत्पादनात घट होण्याची शक्यता आहे. अकोले तालुक्यात सरासरीपेक्षा जास्त पाऊस झाल्याने पीक परिस्थिती समाधानकारक आहे. मात्र, राहुरी, श्रीरामपूर, शेवगाव, पाथर्डी व नेवासा तालुक्यांत टंचाईसदृश परिस्थिती आहे..Soybean Crop Crisis: पिकांसोबत शेतकऱ्यांचे चेहरेही सुकू लागले...!.सोलापुरात पिकांवर ताणसोलापूर जिल्ह्यात सुरुवातीला पेरणीयोग्य पाऊस नसल्याने पेरणीला उशिरा सुरुवात झाली. त्यानंतर पावसाचा खंड पडल्याने सर्वच पिकांच्या वाढीवर परिणाम झाला आहे. मूग व उडदाचे पीक पक्वतेच्या अवस्थेत आहे. पावसाच्या ताणामुळे फुलोरा व कळी अवस्थेवर प्रतिकूल परिणाम झाल्याने उत्पादनात घट होण्याची शक्यता आहे.सोयाबीन काही ठिकाणी वाढीच्या, तर काही ठिकाणी फुलोरा अवस्थेत आहे. पावसाअभावी काही ठिकाणी सोयाबीन सुकत असून, वाढ खुंटली आहे. मका व बाजरी काही प्रमाणात सुकलेल्या स्थितीत आहेत. तूर वाढीच्या अवस्थेत असून, पावसाअभावी तिचीही वाढ खुंटली आहे. अक्कलकोट, बार्शी, उत्तर सोलापूर, दक्षिण सोलापूर, मोहोळ, सांगोला, माढा व माळशिरस तालुक्यांत टंचाईसदृश परिस्थिती जाणवत आहे. पावसाच्या खंडामुळे पिकांच्या वाढीवर विपरीत परिणाम झाला असून, उत्पादनात घट होण्याची शक्यता आहे..पुणे जिल्ह्यात पिके सुकण्याच्या अवस्थेतपुणे जिल्ह्यात भाताची पुनर्लागवड सुरू असून, पीक वाढीच्या व फुटवे फुटण्याच्या अवस्थेत आहे. बाजरी फुलोरा व दाणे भरण्याच्या अवस्थेत, मका वाढीच्या व फुलोरा अवस्थेत आहे. मूग शेंगा भरण्याच्या व काढणीच्या अवस्थेत आहे. सोयाबीन फुलोरा व शेंगा लागण्याच्या अवस्थेत, भुईमूग आऱ्या लागण्याच्या अवस्थेत, तर नाचणी वाढीच्या व फुटवे फुटण्याच्या अवस्थेत आहे. परंतु पूर्व भागात पाऊस नसल्याने काही ठिकाणी पिके सुकत आहेत..सोयाबीनवर अळीचा प्रादुर्भावअहिल्यानगरमध्ये तूर व कापूस पिकांवर अल्प प्रमाणात रसशोषक किडी, मक्यावर लष्करी अळी, तर सोयाबीनवर पाने खाणाऱ्या अळीचा तसेच रसशोषक किडींचा प्रादुर्भाव आढळला आहे. मात्र, किडींचा प्रादुर्भाव आर्थिक नुकसान पातळीच्या खाली आहे. पुणे जिल्ह्यातील खेड तालुक्यात तीन हेक्टर सोयाबीनवर पाने खाणाऱ्या अळीचा प्रादुर्भाव आढळला. सोलापूरमध्येही सोयाबीनवर अल्प प्रमाणात पाने खाणाऱ्या अळीचा प्रादुर्भाव दिसून आला असून, शेतकऱ्यांना एकात्मिक कीड व्यवस्थापनाबाबत मार्गदर्शन करण्यात येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
