Raigad News : जिल्ह्यात २०२५मध्ये झालेल्या अतिवृष्टी आणि अवकाळी पावसामुळे ज्या शेतकऱ्यांच्या पिकांचे आणि शेतजमिनींचे मोठे नुकसान झाले होते, त्यांच्यासाठी राज्य सरकारने नुकसानभरपाई निधी मंजूर केला आहे. .या निर्णयामुळे नैसर्गिक आपत्तीत सापडलेल्या शेतकऱ्यांना मोठा दिलासा मिळाला आहे. परंतु कोकणातील शेतकरी हा अल्पभूधारक असल्याने शेतकऱ्यांच्या नुकसानभरपाई दरात सरकारने वाढ करण्याची मागणी शेतकऱ्यांनी केली आहे..Rain Crop Damage : अतिवृष्टीचा ९० हजार ४८३ हेक्टरवरील पिकांना फटका.यावर्षी मे महिन्याच्या मध्यंतरापासूनच मुसळधार पाऊस, अतिवृष्टी आणि पुरामुळे शेतीचे मोठे नुकसान झाले. जून ते ऑगस्टदरम्यान रायगड जिल्ह्यामध्ये मुसळधार पावसामुळे जिल्ह्यातील शेतकऱ्यांचे सुमारे ६६ हेक्टर क्षेत्राचे नुकसान झाले. .या नुकसानीमुळे राज्य सरकारने कोकणासह आठ जिल्ह्यांतील नुकसानग्रस्त शेतकऱ्यांना भरपाई देण्याचा निर्णय घेतला आहे. त्यामुळे रायगड जिल्ह्यातील शेतकऱ्यांना काहीसा दिलासा मिळाला आहे. या शेतकऱ्यांच्या खात्यात लवकरच पैसे जमा होण्यास सुरुवात होईल..ज्यांच्या शेतात पिकाचे नुकसान झाले आहे अशांचे पंचनामे झाले आहेत, परंतु पेरणी न झालेल्या शेतकरी मात्र यापासून वंचित राहणार आहेत. त्यामुळे सरकारने पडीक व पेरणी न झालेल्या जमिनीचादेखील नुकसानभरपाईसाठी विचार करावा, अशी शेतकऱ्यांची मागणी आहे..Crop Damage Compensation : नुकसानग्रस्तांना सरसकट भरपाई त्वरित द्या ः खासदार शिंदे.ऑक्टोबरमध्ये निधीचे वाटपकोकण विभागात एक हजार ८७५ शेतकऱ्यांसाठी ३७ लाख ४० हजार रुपये मंजूर झाले आहेत. यामध्ये रायगड जिल्ह्याकरिता ११ लाख ८१ हजार रुपये मंजूर झाले असून, ९८० शेतकऱ्यांच्या ५५.६५ हेक्टर बाधित क्षेत्रासाठी ही नुकसानभरपाई मंजूर झाली आहे. ऑक्टोबरच्या पहिल्या किंवा दुसऱ्या आठवड्यापर्यंत निधी वितरित होण्याची शक्यता आहे..कोकणामध्ये भात हे एकमेव पीक घेतले जाते. तसेच कोकणातील शेतकऱ्यांकडे गुंठ्यांमध्ये शेती असते. त्यामुळे त्याला दिली जाणारी नुकसानभरपाई ही खूपच कमी आहे. शिवाय पेरणीखाली न आलेल्या क्षेत्राचादेखील नुकसानभरपाईसाठी विचार केला जावा.- सुनील जाधव (शेतकरी).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
