Raigad News: रायगड जिल्ह्यातील आंबा उत्पादक शेतकऱ्यांच्या सुधारित प्रमाणकांनुसार विमा भरपाई तत्काळ देण्याचे निर्देश रायगड जिल्ह्याचे जिल्हाधिकारी किसन जावळे यांनी युनिव्हर्सल सोम्पो जनरल इन्शुरन्स कंपनीच्या राज्य व्यवस्थापकांना दिले. फळ पीकविमा योजना राबविताना स्कायमेटच्या निकषांचा वापर कंपनीने वेळोवेळी करावा अचूक निकषांनुसार भरपाई दिली गेली नाही तर यापुढे संबंधितांवर गुन्हे दाखल करण्यात येतील, असा इशाराही त्यांनी या वेळी दिला..२०२४-२५ ची विमा नुकसान भरपाई आंबा उत्पादक शेतकऱ्यांना अद्याप मिळाली नाही. दुसरीकडे ३० नोव्हेंबर ही विमा हप्ता भरण्याची अंतिम मुदत आहे. या पार्श्वभुमिवर जिल्हाधिकारी श्री. जावळे यांच्या अध्यक्षतेखाली जिल्हास्तरीय समितीची गुरुवारी (ता. २०) महत्त्वपूर्ण बैठक झाली. .Mango Fruit Drop: श्रीवर्धनमध्ये पुनर्पालवीचा फटका, आंबा फळगळतीमुळे उत्पादक चिंतेत.बैठकीस रायगड जिल्हा अधीक्षक कृषी अधिकारी वंदना शिंदे, बँक ऑफ इंडियाचे व्यवस्थापक कुलकर्णी, कृषीचे सांख्यिकी अधिकारी शतानंद कोमटे, राज्य आंबा उत्पादक संघाचे अध्यक्ष चंद्रकांत मोकल, पदाधिकारी व जिल्ह्यातील आंबा उत्पादक शेतकरी उपस्थित होते..श्री. मोकल म्हणाले, की मागील वर्षीचा आंबा हंगाम संपून ६ महिन्यांचा कालावधी लोटला असूनदेखील विमा कंपनीकडून जिल्ह्यातील शेतकऱ्यांना अद्याप भरपाई मिळाली नाही. दुसरीकडे दिवाळीपूर्वी निश्चित केलेली विमा रक्कम ही स्कायमेटकडून प्राप्त डाटापेक्षा कमी होती. हा जिल्ह्यातील शेतकऱ्यांवर अन्याय आहे. त्यामुळे नव्याने पुनर्तपासणी करून अचूक विमा रक्कम निश्चिम करावी यासाठी कंपनीला १७ नोव्हेंबरला शासनामार्फत पत्र पाठविण्यात आले..आंबा उत्पादकांना हवा भक्कम आधार.१ महिन्याचा कालावधी लोटला तरीदेखील कंपनीने ‘ओडब्ल्यूएस ट्रिगर’ प्रत्येक महसूलला काय लावले याची माहिती अद्याप दिलेली नाही, ही गंभीरबाबही त्यांनी जिल्हाधिकाऱ्यांच्या निदर्शनास आणून दिली. त्या अनुषंगाने जिल्हाधिकाऱ्यांनी त्याची तातडीने दखल घेतली. जिल्ह्यातील शेतकऱ्यांना प्रिमियम दुप्पट असल्याने तो कमी करावा यासही जिल्हाधिकाऱ्यांनी संमत्ती दिली..आंबा उत्पादक शेतकरी चंद्रकांत पाटील, सुप्रिया देशपांडे, राकेश जाधव, भरत साळुंखे, प्रफुल्ल खारपाटील, संतोष भोसले, सुनील कोंडाळकर, सीताराम कदम, अजित पाटील, पंकज जवके आदींनी चर्चेत सहभाग घेतला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
