Nashik News: केंद्र सरकारच्या ग्राहक व्यवहार विभागाच्या माध्यमातून ‘नाफेड’ व ‘एनसीसीएफ’ या दोन्ही संस्थांनी प्रत्येकी १.५ लाख टन कांदा खरेदी केली; मात्र खरेदीपश्चात नोंदीच्या तुलनेत उपलब्ध नसलेला साठा, खरेदी केलेल्या कांद्यामध्ये गुणवत्तेचा अभाव याबाबत शंका असल्याने केंद्र सरकारच्या ग्राहक व्यवहार विभागाच्या पथकासह भारतीय अन्न महामंडळाचे पथक जिल्ह्यात अचानक दाखल झाल्याची माहिती समोर आली आहे. त्यामुळे बोगस काम करणाऱ्या संस्था व शेतकरी उत्पादक कंपन्यांचे धाबे दणाणले आहे..केंद्र शासनाच्या केंद्रीय ग्राहक संरक्षण, अन्न व सार्वजनिक वितरण मंत्रालय हे ग्राहकांसाठी नाफेड व एनसीसीएफ या केंद्रीय नोडल संस्थेमार्फत शेतकऱ्यांकडून किंमत स्थिरीकरण निधी योजनेंतर्गत कांद्याची खरेदी करते..Onion Subsidy: कांदा अनुदान योजना; सातबारावर नोंद नसलेल्या शेतकऱ्यांना २८ कोटींचे अनुदान.मात्र यात गोंधळ, अनियमितता व भ्रष्टाचाराची अनेक गंभीर प्रकरणे सातत्याने समोर आली आहेत. कांदा खरेदी प्रक्रियेदरम्यान अनियमितता किंवा गैरव्यवस्थापन टाळण्याच्या दृष्टीने तसेच खरेदी केंद्रांवर प्रत्यक्ष नियंत्रण ठेवण्यासाठी राज्य सरकारच्या सहकार पणन व वस्त्रोद्योग विभागाच्या माध्यमातून दक्षता समिती पथक नियुक्त करण्यात आले होते..Onion Cultivation : खानदेशात कांदा लागवड सुरूच.या समितीच्या प्रत्यक्ष पाहणीत देखील गोंधळ समोर आले होते. याबाबतचा अहवाल जिल्हाधिकारी कार्यालयाच्या माध्यमातून राज्य सरकारकडे कळविण्यात येत होता. अशातच दिल्लीतून पथक नाशिकला दखल होऊन धाडसत्र सुरू केले आहे..पोर्टलनुसार खरेदीपश्चात कांद्याची साठवणूक, कांद्याची स्थिती, दर्जा, आकार व एकूणच गुणवत्ता तपासली जाणार आहे. तीन दिवसांपासून ग्राहक व्यवहार विभागाचे काही प्रतिनिधी पोर्टलनुसार केलेली खरेदी व साठा याचा सर्वसाधारणपणे पाहणी सुरू होती; मात्र अशातच पुन्हा दुसरे पथक झाले आहे. त्यामुळे केंद्र सरकारही यंदा कांदा खरेदीच्या मुद्द्यावर सावध झाल्याचे दिसते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
