Unseasonal Rain Damage: दौंड तालुक्यातील राहू परिसराला बुधवारी (ता. १३) रात्री आठच्या सुमारास गारा आणि वादळी वाऱ्यासह अवकाळी पावसाने झोडपले. त्यामुळे फळबागा, भाजीपाला पिकांचे प्रचंड नुकसान झाले आहे. तसेच, अनेक घरांचे पत्रे उडाल्याने संसार उघड्यावर पडले आहेत..वादळामुळे अनेक ठिकाणी विजेचे खांब आणि झाडे उन्मळून पडल्याने वाहतूक विस्कळीत झाली आहे. राहू- वाघोली रस्त्यावरील समता नगर, सोनवणे मळा आणि पिलाणवाडी परिसरात झाडे पडल्याने एकेरी वाहतूक सुरू आहे..Rain Crops Damages: पूर्व विदर्भ, नांदेडमध्ये पावसाने पिकांचे नुकसान.साहेबराव डुबे, माजी सरपंच संपत डुबे, किसन डुबे आणि संदीप सोनवणे यांच्या घरांचे व गोठ्यांचे पत्रे उडून मोठे नुकसान झाले. सोनवणे डेअरी फार्मच्या गोठ्याचे पत्रे २०० फूट लांब उडून गेल्याने मोठे नुकसान झाले आहे. पावसामुळे राहुल पुणेकर यांच्या डाळिंब बागेला मोठा फटका बसला असून, फळांचा सडा पडला आहे..Rain Damages Crops : काढणीला आलेल्या ज्वारीला फुटले कोंब.सोनबा कोळपे यांचा भोपळा, अण्णा काळे यांची वांगी आणि योगेश कुल यांचा ऊस भुईसपाट झाला आहे. गणेश डुबे यांचा कांदाही पावसात भिजला आहे. परिसरात बुधवारी उशिरापर्यंत वीजपुरवठा खंडित होता. प्रशासनाने तातडीने पंचनामे करून भरपाई द्यावी, अशी मागणी शेतकरी करत आहेत..माझा दीड एक एकर दोडका पीक तोडणीला आले होते. दोडका पिकाला बाजारभावही चांगला होता. मात्र, वादळी पावसामुळे माझे साधारणतः तीन लाख रुपयांचे नुकसान झाले आहे.- सचिन मगर, शेतकरी, मगरवाडी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
