Kolhapur News: ‘‘राधानगरी, भुदरगड तालुक्यांतील शेतकऱ्यांना दिवसा वीजपुरवठा मिळावा, यासाठी २८ कोटी ५९ लाखांच्या निधीतून कामे सुरू आहेत. यामुळे दोन्ही तालुक्यांमधील ९० गावांतील शेतीसाठी दिवसा वीजपुरवठा शक्य होणार आहे’’, अशी माहिती पालकमंत्री प्रकाश आबिटकर यांनी आज येथे दिली. .महावितरणच्या विविध योजनांच्या आढावा बैठकीत ते अध्यक्षस्थानावरून बोलत होते. यावेळी जिल्हा परिषद सदस्य अरुण जाधव, कल्याणराव निकम, बाबा नांदेकर, महावितरणचे ग्रामीण विभाग-२ चे कार्यकारी अभियंता दत्तात्रय भणगे, उपकार्यकारी अभियंता ओंकार डांगे, सत्यवान राऊत, विलास डवर, सुनील तोरणे आदी उपस्थित होते..Agriculture Electricity: शेतकऱ्यांना विजेपासून वंचित ठेवणे वैयक्तिक स्वातंत्र्याचा भंग.‘उन्हाळा वाढत जाईल तसे पिकांसाठी पाण्याची आवश्यकता वाढते. त्यामुळे शेती पंपांना अखंडित वीजपुरवठा मिळावा, यासाठी महावितरणने आवश्यक उपाययोजना कराव्यात’, असे आदेश पालकमंत्री आबिटकर यांनी दिले. तसेच सौरऊर्जा प्रकल्प उभारण्यासाठी आवश्यक जागा उपलब्ध करून देण्यासाठी ग्रामस्थ आणि लोकप्रतिनिधींनी सहकार्य करावे, असे आवाहनही केले..Agriculture Electricity: कर्नाटकातील शेतकऱ्यांना मोठा दिलासा, कृषिपंपांच्या वीज दरात कपात, उद्योगांना दणका.कार्यकारी अभियंता दत्तात्रय भणगे यांनी मुख्यमंत्री सौर कृषी वाहिनी योजना, मागेल त्याला सौर पंप योजना, जिल्हा नियोजन समितीमार्फत राबविण्यात येणारे प्रकल्प, तसेच शेतकऱ्यांना दिवसा वीजपुरवठा देण्यासाठी सुरू असलेल्या कामांची सविस्तर माहिती दिली..बैठकीत तांबाळे, शेळोली, सोळांकूर आणि कसबा वाळवे येथे वीजपुरवठ्यासाठीची कामे पूर्ण झाल्याची माहिती देण्यात आली. तर मुदाळतिट्टा, आवळी, राधानगरी, धामोड, कडगाव आणि पिंपळगाव येथे वीजपुरवठा सुधारण्यासाठीची कामे सध्या प्रगतिपथावर आहेत. ही कामे पूर्ण झाल्यानंतर या भागातील शेतकऱ्यांनाही दिवसा वीजपुरवठा उपलब्ध होणार असल्याचे सांगण्यात आले. त्याचबरोबर इतर गावांतील शेतकऱ्यांनीही दिवसा वीजपुरवठ्याची मागणी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
