Jalgaon News : खानदेशात कोरडवाहू दादर ज्वारी, हरभरा पिकाची पेरणी सुरू आहे. ही पेरणी कमी आहे. यातच कृत्रीम जलसाठाधारकांची पेरणी सणासुदीमुळे रखडली आहे. दीपोत्सवानंतर ही पेरणी वेग घेईल, असे संकेत आहेत. खानदेशात सुमारे १५ ते १८ टक्के एवढी रब्बीची पेरणी झाली आहे. .यंदा १०० टक्के पेरणी होणार आहे. पण परतीचा पाऊस न आल्याने जमिनीत ओलावा कमी होत आहे. फक्त तापी, गिरणा, अनेर, पांझरा नदीकाठच्या काळ्या कसदार जमिनीत ओलावा बरा आहे. या भागात दादर ज्वारी, कोरडवाहू हरभऱ्याची पेरणी सरू आहे. ही पेरणी २० ऑक्टोबरपूर्वीच बऱ्यापैकी पूर्ण होईल. कृत्रीम जलसाठाधारकांची रब्बीची पेरणी रखडत सुरू आहे..Rabi Sowing : खानदेशात रब्बीची पेरणी लांबणीवर.मळणी, कापणी सुरूचसोयाबीन, मका, ज्वारीची मळणी सुरू आहे. यामुळे पूर्वमशागतही काही भागात सुरू आहे. तसेच पूर्वमशागतीसाठी ट्रॅक्टरचा तुटवडा आहे. मशातगीस विलंब होत आहे. यामुळेदेखील पेरणी रखडत सुरू आहे. अनेक शेतकऱ्यांना मजूर उपलब्ध होत नसल्याने वेचण्या पूर्ण झालेल्या पूर्वहंगामी कापूस पिकाचे क्षेत्र रिकामे करण्यास अडचणी येत आहेत. .कापणी, मळणीनंतर लागलीच ट्रॅक्टरने पूर्वमशागत करायची आहे. परंतु दीपोत्सवाची धुमधाम शुक्रवारपासून (ता.१७) सुरू झाली आहे. यामुळे अनेक ट्रॅक्टरचालक, मालकांनी ट्रॅक्टरद्वारे कामकाज बंद ठेवले आहे. ट्रॅक्टरचालक, मजूर मंडळीही सणासुदीत व्यस्त आहे. यामुळे रब्बीची पेरणी रखडत सुरू आहे..Rabi Sowing: रब्बी पेरा ६५ लाख हेक्टरपर्यंत राहणार.अल्प भागात पेरणीरब्बीची पेरणी जळगाव जिल्ह्यात चोपडा, यावल, रावेर, जळगाव भागातील तापी, गिरणा काठी बरी झाली आहे. धुळ्यातही तापी, अनेर नदीच्या भागात पेरणी आहे. नंदुरबारातही शहादा, तळोदा भागातच रब्बीची पेरणी बऱ्यापैकी होत असल्याचे चित्र आहे..बागायती पिकांची पेरणी पुढील आठवड्यात शक्यखानदेशात मका, काबुली (डॉलर) हरभरा पेरणी १० ते १५ दिवसानंतर सुरू होईल. तसेच गहू पेरणीदेखील पुढील महिन्यातच सुरू होईल. यामुळे गहू, मका लागवडीचे क्षेत्र अल्प दिसत आहे. खानदेशात एकूण चार लाख हेक्टरवर रब्बीची पेरणी मागील वर्षी झाली होती. यंदा पाऊसमान बरे राहिल्याने पेरणी १०० टक्के होणार आहे. नंदुरबार, धुळ्यात चांगला पाऊस झाला आहे. जळगाव जिल्ह्यातही पाऊस १०० टक्क्यांवर आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
